IFC上演大型燈光表演 行商場享美景

雖然香港無咩機會落雪，但每逢聖誕節，都有唔少商場設置聖誕燈飾裝置，利用燈光閃令令嘅效果營造落雪氣氛。黛安前排就去咗IFC商場中庭，觀賞由3,600個迷你LED燈泡組成嘅球體燈飾，佢有6米咁高，側邊仲有9顆巨型聖誕飾物裝置點綴，相當吸睛呀！

除咗布置宏偉外，原來裝置仲會每隔30分鐘上演5分鐘嘅「Spread the Glow」大型燈光表演，日夜都有唔同效果，喺IFC商場行全日街都唔會悶，即日起至明年1月1日都可以享受到美景。

黛安仲收到風，即日起至12月27日，同日消費滿$5,000或以上，就可獲節日限定LAGOM x AD VITAM陶瓷香薰套裝；但黛安會建議周五至日及公眾假期先掃貨，因獎賞會更多㗎，可比平日額外獲贈高達$2,400元指定消費購物禮券㖭。