李思欣疫市低胸拍廣告：唔減價當加咗

李思欣昨日穿上低胸婚紗，為代言的美容中心拍廣告。她坦言已大半年無工開，所以在疫情下發市十分開心：「我原本份代言合約係另一間公司，但被呢間美容中心收購咗，好開心新公司繼續搵我做代言人，連酬勞都一樣，呢個時勢唔減價，已經當加咗價啦。」

思欣坦言疫情大大影響生計：「年頭本來有啲司儀工作，都被迫取消或延期，但都無計，希望明年起碼好過今年，今年好似白過咁。」提到廣告造型，思欣表示除了穿婚紗，亦會以一件頭泳衣上陣，她笑言已是性感極限：「我一向係保守派，老公（范振鋒）都睇過呢件婚紗，主要係睇下有無走光，我都會尊重佢，今日（昨日）佢無到場反而係好事，咁樣我唔會分心。」

採訪︰Pauline

攝影︰林良明