《踩過界II》播出以來反應不錯，特別是不同的單元故事都找來超強甘草演員壓場，令情節推進戲味十足。不過，劇中有不少犯駁位，特別是文申俠（王浩信飾）的神乎其技，雖是失明人士，像擁有特異功能般，有心眼、順風耳等等極強感官，令他查案能夠如魚得水。
昨晚一集，癲姐（蔡思貝飾）、GoGo（張振朗飾）和Eva（張曦雯飾）離開車廂，文申俠獨留在私家車上等待 ; 這時他突然收到消息找到Zaw（朱敏瀚飾），同時得悉Maya（孫慧雪飾）被捉走，於是情急之下，直接坐到駕駛座開車，上演盲人開車追車一幕！
【踩過界II】王浩信演盲俠四感查案被指太誇 「盲俠超人」特異功能逐個捉【下一頁】
盲俠雖然係盲，但當啲屎潑埋嚟，識得用身擋住、保護癲姐！（《踩過界II》電視截圖)
癲姐、GoGo同Eva落車搵人，留盲俠喺車。（《踩過界II》電視截圖)
Maya得知盲俠找到Zaw，即時上前相認。（《踩過界II》電視截圖)
Maya被捉走！（《踩過界II》電視截圖)
盲俠情急之下，即時開車救人！（《踩過界II》電視截圖)
盲人揸車！頭搖又尾擺。（《踩過界II》電視截圖)
由天壇大佛底揸到出大馬路完全冇問題！（《踩過界II》電視截圖)
主角撞車頂多都係撞垃圾嘅，最緊要人冇事！（《踩過界II》電視截圖)
為了製造今次追車的「真實」性，劇組事前已經刻意交代他們入大澳要由貨Van換上另一架私家車，又交代盲俠以視像電話打畀癲姐和GoGo，叫他們望住路面的情況為他導航，又窄又多彎的單程路，盲俠架車多次駛出雙白線幾乎與對頭車相撞。不過主角當然不會有事，所謂撞車，都只是「揩到」行人路的垃圾堆，直至最後一個甩尾、轉圈成功避開對頭車後，電話中斷，有驚無險，盲俠安然無恙。不過，身為律師無牌駕駛，唔知會唔會......
《踩過界II》王浩信演盲俠靠正義感溝死女 邊個演盲人演到做形象大使？【下一頁】
一隻手拎住電話視像畀老友做人肉導航，得咗。（《踩過界II》電視截圖)
邊個話失明人士唔可以開車？（《踩過界II》電視截圖)
不少網友見到呢一幕都投訴太離地，「唔好嚇死人啦，盲人揸車，就算自負都唔可以咁無分寸」、「這一幕太假了，導演睡覺了吧！盲人駕車，還要追車，太好笑」等等。其實無綫劇集中，盲人揸車不是第一次，上次《殺手》中，劇本安排失明的阿之（麥明詩飾）開車為Parker（謝東閔飾），以避開殺手的追殺，更跟Zero（陳豪飾）和閻王（黎耀祥飾）上演公路追車，同樣惹來不少負評和質疑。
網友一面倒鬧。（TVB Facebook截圖)
失明人士駕車有前科，之前麥明詩都試過。（《殺手》電視截圖）
架車應該裝咗高科技電子零件，曉自動導航！（《殺手》電視截圖）
謝東閔迫麥明詩開車。（《殺手》電視截圖）
原來佢坐後座做人肉導航，雙管齊下。（《殺手》電視截圖）
同陳豪鬥車，死未？（《殺手》電視截圖）
責任編輯：楊安莉