欺人太甚｜茶水姐姐拒洗高層污糟飯盒 慘被針對投訴調職憂飯碗不保

待人處事應將心比己，但有打工仔發文透露，公司一名稱職的外判茶水姐姐，每天妥善清潔茶水間，卻因有時不願「捱義氣」幫忙清洗一名女高層食完的骯髒飯盒而遭針對，最後外判公司在受壓下只好將她調職。事主其後得知，該茶水姐姐的丈夫中風行動不便，二人亦無子女，擔心對方因投訴被解僱後，家裡恐會陷入困境。

Facebook專頁「辦公室日報」周一（11月30日）刊登讀者Kit的投稿，表示其任職公司行政部，在每天早上9時半，外判公司派來的茶水姐姐嫻姨都會準時到達，負責茶水間的清潔工作，包括洗杯、倒垃圾，提醒行政部同事是否用完茶包或咖啡粉等，但不包括清洗同事的私人飯盒。

女上司「嗱渣」飯盒放鋅盤

然而，事主指行政部「阿姐」偏偏會把飯盒放在鋅盤待人清洗，形容「仲要係食剩飯粒同埋餸頭餸尾嗰隻」，嫻姨有時都會幫忙清潔，惟事主形容其女上司「實在太『嗱渣』」，事前不會把剩餘飯餸倒入垃圾桶，「就咁開水喉水浸住」，狀況非常噁心，

「因為積水緣故，好多時啲飯粒呀、骨頭呀、肉屑呀，仲會瀉晒出嚟塞住鋅盤，我行過都想作嘔，先唔計乜嘢氣味，剩係個畫面已經好似嘔吐物。」

不慎打破6元水杯遭投訴

女上司認為嫻姨不肯替她洗飯盒，令她顏面盡失，故多次向外判公司投訴，但事主認為，合約寫明不需幫忙清洗私人飯盒，嫻姨有時肯妥協代勞已非常難得，未料女上司竟為此大發脾氣，更趁機「報復」。

事主憶述，早前嫻姨不慎打破一隻僅6元的陶瓷水杯，女上司得知後隨即大造文章，再次向外判公司投訴，指「嫻姨態度唔好，特登打爛嘢」，要求換過另一名茶水姐姐，更著外判公司將嫻姨解僱。

【總有出路】中年人夫月入$4萬被裁壓力大，失業一年半愛妻陪搵工，人工減半轉行做司機養家，詳情即睇：【下一頁】

丈夫中風膝下無兒陷困境

翌日，外判公司派來另一名茶水姐姐，事主擔心嫻姨被辭退，遂向該茶水姐姐探口風，沒想到對方竟激動表示：

「多得你哋囉！打爛隻杯都去公司投訴，你知唔知嫻姨好慘㗎，佢老公中咗風行動不便，又冇仔女，我都係嚟頂幾日㗎咋！」

事主其後致電外判公司了解，確認嫻姨的家庭狀況，對方指嫻姨事後深感委屈，並擔心問道「隻杯係咪好貴？」，希望透過賠償解決事件。外判公司職員又透露，他們已把嫻姨調至另一棟商業大廈工作，同時表明不會再做事主公司的生意，

「因為你阿姐成日投訴，太麻煩嘅客唔想留住喇，加上呢棟大廈幾個姐姐都知你公司惡做，個個都唔肯嚟，今日個pantry lady（茶水姐姐）捱義氣頂到月尾㗎咋！」

難聘茶水姐姐惹同事不滿

對此，事主表示透過該外判公司僱用茶水姐姐，每月僅約3,000元收費，又毋須提供任何福利；現時部門需要在目前經濟環境不景下為一個「茶水姐姐」職位作資金預算，令聘人一事陷入膠著，不少同事紛紛埋怨該女上司，連老闆都「詐型」。

網民：大家都係打份工

不少網民看到帖文後，均批評該名女上司自恃有錢、職位高就欺負人，「呢個世界硬係有啲人自覺高人一等，做茶水同Admin（行政）咪又係打工」、「做清潔姐姐都係一份要尊重嘅工種，無咗佢哋幫手，唔通佢會自己清垃圾桶呀？」、「大家都係打份工，點解唔可以將心比心，要為難人哋呢」。

專頁版主亦透露，其任職獵頭公司，為不同機構聘用茶水姐姐時，見識到「太多心酸嘅故事」，「唔少僱主都好苛刻同埋有歧視，最心悒係見到呢班上咗年紀嘅人士好努力去搵工，但我好多時都無能為力」。

【疫境自強】5旬高層人夫疫情下被裁，搵工屢碰壁用儲蓄供樓，為養家放下身段做「步兵」送外賣，詳情即睇：【下一頁】

文章內容獲「辦公室日報」授權轉載。

每朝索取《晴報》：精明生活．健康家庭．開心娛樂

撰文：蘇麗儀