【聲明】港生活網站並無進行電話推廣活動

龔嘉欣羅天宇新劇 肉搏戲硬撼《全民造星III》

發佈時間: 2020/12/03

龔嘉欣與羅天宇主演的新劇《香港愛情故事》,獲安排在下周一晚上十時半新時段首播,硬撼ViuTV人氣選秀節目《全民造星III》。嘉欣及天宇昨日為新劇造勢,揚言他們的親熱床戲佔全劇一半篇幅,對戰友台也不覺有壓力。

無綫昨日舉行記者會,宣布推出多個新節目,龔嘉欣與羅天宇擔正的新劇《香港愛情故事》由下周一開始,逢周一至五晚上10時30分播映,擺明車馬對撼《全民造星III》。對於代表公司變陣打仗,嘉欣笑言不會想太多:「拍完一部作品,有得出街係開心事,無諗過喺2020年結束前仲有劇出街。其實我唔覺得係打仗,反而覺呢部貼地愛情小品題材新鮮,希望吸引更多觀眾鍾意呢個劇種。」

嘉欣預告與劇中老公天宇「激戰」連場:「套劇超過一半係床戲,其實真係好開心,可以同香港先生冠軍拍床戲,覺得自己好有艷福。」二人拍攝期間要到訪不少地方「開房」,天宇說:「我哋去咗時鐘酒店同太空艙拍攝,仲逐間房參觀,好有新鮮感。」嘉欣笑言拍床戲絕不好受:「因為全組工作人員喺晒一間房入面,好熱好侷促,拍埋身戲就覺得成身黐笠笠,其實唔係幾舒服。」拍攝時被迫水乳交融?天宇坦言拍攝初期不熟絡,但完成多場親熱戲後,便極速拉近距離。

莊思敏開心老公來港過聖誕

同場的莊思敏總結今年自身大事,今年結婚的她笑說:「自己最大事件當然係嫁得出啦,喺台灣嘅老公嚟咗香港陪我,將會一齊過聖誕,如果繼續分隔兩地,應該會離婚㗎喇!(趁聖誕造人?)我買啲補品擺喺屋企養生先。」

採訪︰Pauline

攝影︰林良明

編輯:李潔盈

美術:梁政敏

龔嘉欣羅天宇新劇 肉搏戲硬撼《全民造星III》

龔嘉欣與羅天宇在新劇中埋身肉搏,令人睇到面紅。(影片截圖)

龔嘉欣羅天宇新劇 肉搏戲硬撼《全民造星III》

羅天宇踏足時鐘酒店實景拍床戲,笑言感覺似觀光。

龔嘉欣羅天宇新劇 肉搏戲硬撼《全民造星III》

莊思敏(左)及劉溫馨期望明年疫情好轉。