《愛回家之開心速遞》的編劇組一向很喜歡回應網友的意見，昨晚一集「風少好Man記」的內容正正是來自網友的反映。
故事講到風少（陳浚霆飾）因為「雞仔聲」，而且又鍾意埋女同事堆，給大家印象都是「姊妹」，更榮升「威龍八婆榜」第三位，僅次於群姐（許思敏飾）和Rebecca（沈可欣飾）。為了增加男子氣慨，接龍花生三友建議風少在酒吧上演一幕英雄救美，拯救被摸手摸腳的Anita（梁茵飾），沒想到鹹濕大隻佬的確被他的聲線擊退！不過大隻佬喊住話「對唔住呀！媽，你真係好似我阿媽把聲，我應承你以後會乖乖，唔搞搞震！」實在令觀眾笑爆嘴！
【苦主大聯盟】 張敬軒工人引發暗黑料理潮 《愛回家》風少陳浚霆買大閘蟹滿心歡喜點知...【下一頁】
風少陳浚霆跟一眾女同事去汗蒸幕。(《愛回家之開心速遞》電視截圖)
點知被工作人員誤以為係女仔。(《愛回家之開心速遞》電視截圖)
風少經常周旋在女同事之間。(《愛回家之開心速遞》電視截圖)
慘被列為「威龍八婆排行榜」的第三位。(《愛回家之開心速遞》電視截圖)
貼紋身貼紙扮Man？失敗。(《愛回家之開心速遞》電視截圖)
風少見到Anita畀人欺負，於是佢……(《愛回家之開心速遞》電視截圖)
風少即刻喝停大隻佬！(《愛回家之開心速遞》電視截圖)
大隻佬喊住跪求風少，因為聽到其聲線會諗起媽媽的煩音！(《愛回家之開心速遞》電視截圖)
其實之所以話係反映網友評論，是因為陳浚霆今年3月開始正式返到《愛回家》，不少觀眾都大感期待，好希望再次重拾《愛回家》開初的感覺。亦有網友認為浚霆的聲線比較陰柔、似女仔，而今次劇組就將這些意見放入劇情，效果非常不錯。陳浚霆接受《晴報》電話訪問，他表示：「初初返《愛回家》，可能比較緊張，把聲好尖，唔好講觀眾，我自己睇番都覺得煩厭！慢慢適應番環境，放鬆個人去拍攝，聲線係有低番少少，但把聲係天生，我好難刻意壓低把聲去演戲。」
他續稱︰「小時候聲線比現在還要高音，哈哈！我有個家姐，細個爸爸、媽媽打電話返屋企係分唔到我哋兩個把聲，而家大個咗當然唔同啦！私底下嘅我其實都粗魯底㗎，把聲唔係咁陰柔。（對網友評價唔開心？）唔會，講真，好難令人人都滿意，只能夠喺自己能力範圍之內做到最好。」他感激同劇的林淑敏、樊亦敏分別為他介紹導師，希望在讀台詞方面能夠有所改進。
《愛回家》預告一連三集驚見龍家變天 雷公吞併接龍累大龍生侷住熊家？【下一頁】
停車場救起David姐。(《愛回家之開心速遞》電視截圖)
推車營救鐵面陳。(《愛回家之開心速遞》電視截圖)
陳浚霆今年重新加入《愛回家》。(陳浚霆IG )
笑言爸爸細個都認不到他和姐姐的聲音。(陳浚霆IG )
陳浚霆自爆細個把聲仲高音。(陳浚霆IG )
浚霆細個係肥仔一名。(陳浚霆IG )
劇中風少兩度困𨋢，原來陳浚霆拍攝完之後，竟然遇上真‧困𨋢，跟四位朋友被困足足一小時，驚動消防員和聯同升降機維修人員，將他們救出。他不忘說：「其實都擔心，因為架𨋢對講機又壞，空氣又唔流通，我要安撫女仔朋友，我都學過急救，幸好今次唔需要用。最終消防員見到我，仲話『咦，你咪風少？』，哈哈，我好多謝佢哋！」
劇中困𨋢。(《愛回家之開心速遞》電視截圖)
沒想到現實生活遇上真‧困𨋢。(陳浚霆IG )
驚動消防員救人。(陳浚霆IG )
責任編輯：楊安莉