陳凱琳（Grace）與KOL閨密雪姨在五星級酒店的總統套房現身，以為兩人Staycation，原來是來拍片玩「你問我答」，短片放上社交平台未夠半日就已經超過7萬多點擊人次，兩人在總統套房如Home Tour般一邊行，一邊答問題，而30條問題之中，Grace難免都有提到老公鄭嘉穎和兩個兒子，好Sweet。問到最想學跳邊一隻舞，Grace即時阿媽上身說：「我想學跳Baby Shark，因為我想個仔開心囉。」隨即Grace就做出兩手開合的Baby Shark招牌動作，跳得似模似樣，相信兩個囝囝Rafael和Yannick一定睇得好開心 。
陳凱琳同雪姨為何張大個口？原來係學老公鄭嘉穎大嗌。（圖片：網上截圖)
陳凱琳連彈琴都識，多才多藝，難怪雪姨形容佢係「人生勝利組」。(圖片：網上截圖)
兩人行到鋼琴旁邊，雪姨稱引以為傲自爆個人技能是考獲一級鋼琴，隨即大騷她所謂「一級」水準的琴技，彈了幾句《天鵝湖》，Grace忍不住踢爆她：「彈到錯晒，不如我教你啦！」Grace便坐下來一臉輕鬆彈了一段歌曲，雪姨即時拍手大叫：「黐線，佢點解會咁，既係香港小姐，人又靚，仲識彈琴，我真係輸啦。」
陳凱琳做乜要噓呢？佢話好驚啲小朋友認出佢，仲叫佢做「張保仔姐姐」。(圖片：網上截圖)
當節目被要求模仿一個藝人時，Grace秒速搶答：「咪就係我老公個廣告囉！啊～～～」見到Grace跟足老公鄭嘉穎張口大叫的樣子，這位人妻幫老公賣埋廣告，實在夠晒可愛。至於兒子Rafael會喜歡爸爸多還是媽媽多點？Grace笑笑口說:「好明顯呢條片我老公唔會睇，所以，當然Rafael係鍾意我啦。」講最不滿意自己的身體部位？估不到Grace對自己都有所不滿：「唔滿意個下巴啦，頸又太長，牙都可以直啲，仲有指甲呀，我係三歲小朋友指甲，好細隻，好似BB甲咁。」Grace騷出玉手，給大家見識一下她的「BB甲」。
陳凱琳大跳Baby Shark舞步。(圖片：網上截圖)
陳凱琳手舞足蹈唱容祖兒的歌曲《我的驕傲》。(圖片：網上截圖)
至於Grace和 KOL雪姨既是閨密亦是生意上的拍檔，在10月雪姨一炮過以950萬現金，買下林燕妮的寶馬山故居，「有米」程度成為一時熱話。Grace不時會現身雪姨的網上短片吸睛。雪姨在今次短片亦有留言:「黐線，Grace真係好屈機，人又靚，老公又咁型，兩個仔又靚仔，仲彈得一手好鋼琴，佢先係真正嘅人生勝利組。」
陳凱琳拍檔「有貨」買林燕妮故居 Full Pay斬亂麻狠劈業主200萬 【下一頁】
陳凱琳自爆最不滿意是手甲，因指甲細得似「BB甲」。(圖片：網上截圖)
陳凱琳和雪姨勁老友，經常一齊拍片放上網上分享。(圖片：網上截圖)
撰文：衛紫敏