【聲明】港生活網站並無進行電話推廣活動

晴報太太+小小編開心玩 反斗奇兵聖誕大派對

發佈時間: 2020/12/04

踏入聖誕倒數階段,今個佳節你打算如何慶祝?晴報太太懷鈺和小小編Gianna,今日就帶大家到將軍澳東港城的「反斗夢幻嘉年華」,玩巨型夾公仔機、開心打卡再歎主題甜品。提提各位入場家長,記得幫小朋友做好防疫措施,玩得開心又安心!

晴報太太懷鈺坦言自己是《反斗奇兵》粉絲,最喜歡得意又搞笑的三眼仔,囡囡Gianna則最愛士多啤梨熊勞蘇和女牛仔翠絲。提到場內布置,懷鈺特別推介大家玩「三眼仔火箭」造型巨型夾夾機。「參觀當日我哋試玩,玩咗第二次我哋就成功夾到公仔喇!」另一挑戰大人和小朋友眼界身手的「翠絲牛仔帽大作戰」,同樣有機會贏取限量主題精品。

走進7米高玩具樂園

要數場內矚目打卡位,當然是「7米高超巨型雙層旋轉玩具樂園」,大家可拾級而上踏進上層台階,置身巨型的胡迪牛仔帽下興奮打卡。「呢個7米高嘅旋轉玩具樂園真係幾震撼,置身現場,感覺似係一個超巨型嘅旋轉木馬,布置又好靚。」懷鈺教路,要拍攝整個巨型裝置,宜用廣角鏡頭,照片效果會更出色。

玩樂和打卡過後,一於到「小叉甜品屋」醫醫肚,品嘗多款期間限定製作的萌爆甜點,包括首度出爐的主題造型得意主角馬卡龍棒、手工千層蛋糕、曲奇、大眼仔抹茶布甸及馬卡龍禮盒裝等。「Gianna最鍾意食馬卡龍,馬卡龍棒有不同的公仔造型,佢食得好開心呀!」

着數位

只要成為The Point by SHKP會員,於推廣期內以指定積分,即可免費預留及參加親子聖誕飾品工作坊,製作獨一無二的《怪獸公司》Awesome掛飾或DIY心愛的小叉。

東港城「反斗夢幻嘉年華」

日期︰即日至2021年1月3日

地點︰將軍澳東港城1樓展覽場

撰文、編輯︰余運慶

美術︰Simon

晴報太太+小小編開心玩 反斗奇兵聖誕大派對

「小叉甜品屋」有多款期間限定製作的萌爆甜點,包括小小編Gianna最愛吃的馬卡龍。

晴報太太+小小編開心玩 反斗奇兵聖誕大派對

「7米高超巨型雙層旋轉玩具樂園」布置極具特色。

晴報太太+小小編開心玩 反斗奇兵聖誕大派對

全港首個還原動畫中的「三眼仔火箭」造型巨型夾夾機,大考小小編Gianna的眼界及身手。

晴報太太+小小編開心玩 反斗奇兵聖誕大派對

晴報太太跟小小編置兒「抱抱巨型毛茸茸勞蘇房」,拍下甜蜜的粉紅合照。

晴報太太+小小編開心玩 反斗奇兵聖誕大派對

粉絲朝聖必到「反斗奇兵星光霓虹燈打卡房」,聖誕氣氛十足。