【聲明】港生活網站並無進行電話推廣活動

支持違防疫令罰款加至1萬 陳豪︰一齊戴口罩先有效

發佈時間: 2020/12/04

陳豪昨日出席健康食品活動,上月台慶一眾藝人全程無罩慶祝,只有陳豪不用拍照時即戴回口罩,獲讚防疫意識高。提到政府擬將違反口罩令、限聚令等的定額罰款調高至一萬元,陳豪認為出發點是好事,要齊心戴口罩才能抗疫。

陳豪昨日到尖沙咀拍攝健康食品短片,活動期間聚集多名工作人員及傳媒,拍照時需要除口罩的陳豪明顯有點緊張,拍照後立即戴上口罩才接受訪問,相當小心。他坦言到人多地方會比較小心︰「呢個時候緊張唔止為咗自己,係為咗我同你,自己做好本份。」他已向家中三個仔女解釋疫情,又大讚子女乖巧自律,做好防疫措施。

提到政府擬將違反口罩令、限聚令等的定額罰款,由2,000元調高至一萬元,陳豪相信出發點只是提高大眾的防疫意識︰「口罩要一齊戴先有效,至於懲罰係咪苛刻就視乎個案,始終每個個案唔同,可能情有可原,我相信政府出發點係想大家同心抗疫,係好事嚟嘅。」

爆陳茵媺教中文勁頭痛

提到學校因疫情停止面授課堂,陳豪說:「我本來幫大仔溫中文,但我要開劇,所以交畀太太(陳茵媺),但佢中文程度有限,所以好頭痛,於是我哋請上門補習老師。補習老師嚟到我哋屋企,入門前都一定戴口罩同全身消毒,盡量減低染疫風險。」

採訪︰Pauline

攝影︰林良明

編輯︰李潔盈

美術︰梁政敏

支持違防疫令罰款加至1萬 陳豪︰一齊戴口罩先有效

陳豪與陳茵媺早已向子女解釋新冠肺炎疫情,一家齊心抗疫。(資料圖片)