林子聰疫情下留港：仔女黐實我

進軍飲食業的苑瓊丹，早前邀請好友林子聰（肥仔聰）出山，拍攝即食餸包宣傳片。過往經常返內地工作的肥仔聰，因疫情關係留港，經常鑽研廚藝，研發了「肥聰海鮮炒飯」。他笑說：「苑仔話我肥咗，應該係因為伙食好咗，小朋友無學返，大家喺屋企你眼望我眼，惟有搵啲嘢搞，好彩佢哋鍾意食，留番啲面畀我。」

肥仔聰把握機會享受親子樂：「平時我一走就幾個月，今次返嚟，小朋友黐到我實一實，我都未試過咁長時間陪佢哋，但成家都咁大食，我都要搵錢㗎！」但他不敢應苑仔邀請合作做生意，擔心累對方蝕錢：「苑仔叫我一齊投資，但都係唔好，我怕忍唔住自己食晒啲貨！」