【聲明】港生活網站並無進行電話推廣活動

張振朗女友讚咀戲過癮 蔡思貝願出租假牙畀拍檔

發佈時間: 2020/12/08

蔡思貝與張振朗日前在劇集《踩過界II》的激烈床戲令觀眾譁然,二人昨日宣傳劇集時,振朗坦言對親吻思貝的一棚假牙甚為嫌棄,但女友楊偲泳卻大讚過癮,思貝聞言即表示可出租假牙,為振朗與女友增添情趣。

張振朗與蔡思貝昨日提到該場床上大戰,振朗笑說:「無諗過外間反應咁轟烈,有人話好睇又好笑,但我最鍾意聽到有人話好嘔心,證明有效果。我拍呢場唔敢亂郁,我對思貝無咩,係對佢副假牙覺得好核突。」提到女友楊偲泳對床戲有何評價,振朗說:「佢有睇,話好過癮!(要求戴假牙效法呢場戲?)咁又唔好。」

思貝聞言,表示可用十元友情價將假牙租給振朗,振朗立即拒絕:「我都話最討厭副假牙。」思貝笑言若劇集有好成績,她願將假牙拍賣做慈善,振朗亦附和說可將自己在劇中的義肢拍賣。另外,振朗由演出《反黑路人甲》到《踩過界II》,不時在劇中提起日本AV女優三上悠亞,振朗搞笑解釋:「我跟劇本讀咋,唔知係監製定導演鍾意呢。」

張曦雯唔鍾意收手袋

同場的張曦雯(Kelly)正忙拍《白色強人II》,她大呻演醫生比律師更難:「背醫學名詞仲難過背法律名詞,打官司都係企喺度唸對白,但一邊做手術,一邊唸對白難好多!」她透露聖誕節將有假放,希望到時宅在家中打機休息,但不會送驚喜聖誕禮物給男友:「之前買嘅嘢都唔啱大家心水,男朋友送過粉紅色限量版手袋畀我,但我一次都無用過,所以大家好實際,想要咩就直接講。」

採訪︰Pauline

攝影︰林良明

編輯:李潔盈

美術:梁政敏

張振朗女友讚咀戲過癮 蔡思貝願出租假牙畀拍檔

張振朗(中)在《踩過界II》中艷福無邊,與張曦雯及蔡思貝均有曖昧。

張振朗女友讚咀戲過癮 蔡思貝願出租假牙畀拍檔

張曦雯喜歡拍手術血腥場面,被取笑變態。