打工仔辛酸｜結婚斟茶頻收老闆電話問公事 新郎新婚夜決心減薪轉工

不少打工仔放工回家後，難免會收到老闆的「奪命追魂Call」。有打工仔發文分享，指前老闆經常在收工後或放假期間，傳訊息給下屬著他們跟進工作，即使事主大婚當日，在向父母斟茶期間，依然不斷收到老闆來電詢問公事，令他當晚毅然決定辭職，並在新婚之夜跟妻子商討減薪轉工事宜。

Facebook專頁「辦公室日報」周日（6日）刊登讀者Edmond的投稿，他表示上一份工作薪酬高、待遇好，奈何老闆向員工施加極大壓力和「催迫感」，即使對方近半年間多次邀請他回巢，他仍堅決拒絕。

事主憶述，他在舊公司工作的3年間，每天早上10時要準時開會討論業績成效，但他坦言會議無重點可言，

「其實全部都係閂埋房門自己友喺度吹，主旨始終係畀壓力班員工去跑數。」

打工仔必睇｜辦學校開公司為演藝新仔開路，馬浚偉：「做老闆唔好買起下屬條命！」，詳情即睇：【下一頁】

放假照聯絡下屬講公事

此外，事主形容前老闆一味將員工「同化」成工作狂，不但不悅下屬準時收工，放工後或周末期間亦會不斷傳訊息和打電話給員工，討論公事或要求他們工作，平日凌晨也照樣聯絡下屬，事主坦言員工在工餘時間「唔使旨意安安樂樂行街睇戲食飯」，他舉例指：

「老細開咗個WhatsApp group（群組），如果佢Send（傳送）咗啲Information（資訊）或者問題出嚟，之後冇人Reply（回覆），佢係會特別Tag（標註）你窮追猛打，唔覆就直接打嚟。」

為養家忍受工作

儘管「有返工無放工」，但為養妻活兒，他一直咬緊牙關捱下去。事主指自己與妻子當時奉子成婚，需要錢擺酒結婚、供樓、買奶粉和尿片給小孩，如辭職再去找相同職位，薪水恐怕會少一萬多元，或不足以應付家庭開支。不過直至結婚當天卻出現一個「導火線」，令他毅然決定辭職，他憶述：

「我結婚當日，老細依然『轟炸』我，佢嗰朝第一個Message（訊息）係咁：『唔好意思知你今日做新郎，但我想問下許生嗰份Contract（合約）仲差啲咩？佢唔簽係咪有咩Concern（考慮）？而家啲價係點？』」

【家有惡妻】人夫每晚放工陪上司飲酒，惡妻轟炸式短訊迫回家交人揭另有內情，詳情即睇：【下一頁】

行禮斟茶頻收老闆來電

事主認為，該老闆根本沒體諒過員工，指當天他和妻子向父母斟茶時，手機震個不停，令他「斟都斟得唔自在」。隨後他見有7個未接來電，遂行開回電老闆詢問何事，對方雖稱「唔好意思」，語氣卻充斥不耐煩，但其實內容並不緊急，僅追問有關客戶訂單的跟進情況，事主在當日決定辭職，他憶述：

「人哋洞房開開心心，而我洞房嗰晚就同老婆傾緊好唔好轉工......」

事主向妻子明言，轉工後月薪恐會「少皮幾嘢」，不過妻子卻毫不介意，更樂意「公一份婆一份」，一起分擔家庭開支，且寧願事主抽多些時間陪她，「唔好食餐飯都係咁覆Message」。

工作生活取平衡感滿足

事主其後透過獵頭公司覓得新工，現已任職新公司超過一年，期間前老闆仍不時聯絡他詢問公事，或是以高薪「利誘」他回巢。事主對此從未動搖，亦甚少回覆，坦言為回復工作和生活平衡而感到滿足，

「人工低咗，但開心咗、健康咗，因為有返自己嘅生活，始終每個人追求嘅嘢都唔同，最緊要自己舒服。」

【總有出路】中年人夫月入$4萬被裁壓力大，失業一年半愛妻陪搵工，人工減半轉行做司機養家，詳情即睇：【下一頁】

文章內容獲「辦公室日報」授權轉載。

每朝索取《晴報》：精明生活．健康家庭．開心娛樂

撰文：蘇麗儀