無綫今日舉行《長期服務暨傑出員工榮譽大獎頒獎典禮2020》，頒獎給服務公司10年或以上的藝員。韓馬利（Mary姐）獲頒「40年服務獎」，效力無綫多年的她，被問到心情如何時表示：「時間真係過得好快，我同珍姐（曾勵珍）傾偈嘅時候都話好似舊年發生嘅事，但係我就好肯定唔會有下一個40年，公司應該都唔會再要自己，不過50年都仲有機會，最緊要係有健康。」
（《晴報》林良明攝影）
韓馬利患腦膜炎險死 老公杜燕歌陪伴抗抑鬱 「只要有生命氣息都要感恩」【下一頁】
Mary姐上年8月在社交網站公布自己患上腦膜炎，並與與死神擦身而過的消息。她在醫院中跟病魔搏鬥半個月，出院後在家休養一段日子才正式復工。大病一場之後，她對人生有了一番新感悟：「自從去年患咗大病之後，體會到健康嘅重要，能夠好得番真係好感恩，因為我都有啲朋友係患過腦膜炎，但係醒唔番，所以我真係好好彩。」被問到會否因而減少工作量時，她則表示目前未有定案：「呢方面我都要思量一下，本身信奉基督教，我都希望可以繼續傳福音。」
Mary姐去年曾大病一場，幸得老公杜燕歌悉心照顧。（韓馬利微博）
韓馬利腦膜炎險死體重暴跌7kg 情緒病復發無法進食狂冒冷汗【下一頁】
Mary姐去年從內蒙古工作返港後，發燒未癒，老公杜燕歌於是帶她去睇醫生。Mary姐檢查完在準備入院途中已經『斷片』，陷入昏迷長達一個多星期。慶幸留院期間病情好轉，休息約三個多星期就出院。大病初癒，Mary姐反應變慢，只能等待身體慢慢康復，她亦因為了解到長期臥病在床的無助和辛苦，而更關心長期病患者。
Mary姐經歷一場大病，對人生有了新的感悟。（《晴報》林良明攝影）
在《愛回家之開心速遞》一劇中，資深演員雲集，因此當中有不少人都是今次頒獎典禮的座上客，如初戀Cafe老闆「佳叔」鍾志光和「二太」蘇恩磁就獲頒「30年服務獎」，而「KC」歐瑞偉、「Rebecca」沈可欣和「大小姐」林淑敏則獲頒「20年服務獎」。蘇恩磁接受《晴報》訪問時表示自己曾中途離開無綫，所以要再重新計算年數，實際效力公司的總年數遠超30年：「計埋嘅話，我諗就嚟攞50年㗎啦！」
（《晴報》林良明攝影）
曾是御用師奶的蘇恩磁在《愛回家之開心速遞》中飾演龍家二太太，形象深入民心，個個街坊見到她都會叫聲龍太。她在1973年與伍衛國、盧宛茵、吳浣儀等人於無綫電視第二期藝員訓練班畢業，入行後很快就當上女主角，但其後的發展並不順利。她在嘗試轉行不果後，於1990年重返無綫。
《愛回家》二太蘇恩磁發放正能量「繼續追夢 妓女我都演！」【下一頁】
蘇恩磁指龍家演員合作得非常開心，每次齊人都要影大合照。（蘇恩磁微博）
鍾志光都不甘示弱，指自己亦效力無綫超過30年：「我一開始做體育世界，就係叫簽『紅單』，唔係正式簽合約，所以如果係嚟無綫服務呢，就係第31年啦！」鍾志光由體育界入行，在1997年獲邀客串演出劇集，之後就一劇接一劇拍過不停，皆因監製覺得他夠正氣，而且說話清楚有力，大有發揮。他又曾以《獎門人》及國際龍舟賽的主持身份出現在電視熒幕，被人稱為「萬能鍾」。
鍾志光有好多個身份。（鍾志光IG）
蘇恩磁大談和鍾志光多次合作，二人甚有火花：「我哋係第一次做熒幕情侶，做咗好多套戲，做過我老公，，又喺《愛回家》同我做過過氣嘅男朋友。」鍾志光都笑指兩人關係千絲萬縷：「（我哋）又鬧過交，又攬過鍚過，關係好錯綜複雜啊！」
兩人曾多次合作。（蘇恩磁微博）
被問到在無綫工作多年的感想，蘇恩磁表示快樂多於難過，雖然在工作辛苦時會不斷埋怨，但過後回望又會覺得開心，因為演戲是自己喜歡的事。鍾志光就指好高興能參與到多個體育盛事，多年來從沒錯過任何一個世界體育大事：「唔係我特別叻，只係因為我喺無綫做，先至有咁嘅機會。」
《愛回家》佳叔講波變演員 鍾志光演戲22年無放棄讀上碩士【下一頁】
鍾志光入行以來未曾錯過任何一場世界體育盛事。（鍾志光IG）
至於做演員，鍾志光就指很高與得到不少前輩的教導，尤其是Mary姐：「初初入嚟拍劇集，有一套佢做我太太，佢好幫我，佢好體諒我哋新人，（例如教我哋）企位點樣唔好疊到光。佢唔會推你，而係會話：『鍾仔，你哋企過少少，呢個位』佢好循循善誘，令我好難忘，好多謝佢。」
問到《愛回家》往後的劇情走向，蘇恩磁就指現在慢慢令大龍生浪子回頭，三房之間將會再次掀起龍爭虎鬥。那麼佳叔又會否再有新戀情呢？觀眾可能要失望了，皆因鍾志光慨嘆將來未有感情線：「煒哥入嚟竟然淨係做一集，我本來好有希望㗎嘛，而家真係要死心啦！二太就畀大龍生獨佔咗，只係霧水情緣。不過我對佢仲有少少念念不忘，如果整條舊情復熾線呢，我諗都幾可觀嘅！」
「KC」歐瑞偉和「大小姐」林淑敏則獲頒「20年服務獎」。（林淑敏IG）
獲頒「20年服務獎」的還有「Rebecca」沈可欣。（沈可欣IG）
撰文：梁美賢
責任編輯：楊安莉