疫巿奇招︳林盛斌成功考牌轉行揸巴士？陳慧琳謝霆鋒地舖租金大縮水

全球經濟被新冠肺炎疫情拖垮下，各行各業面對困境，藝人收入大減。早前林盛斌（Bob）在社交網上大呻一日內收到通知他12月及1月的工作取消及延期，令要養起一家六口的Bob好頭痛。

為了搵食，藝人無所不用其極，Bob在社交網上載短片，拿著一張紙的他興奮得蹦蹦跳，原來是成功考獲巴士牌，開心得跑到教車師傅前，給對方擁抱和握手，嚇得教車師傅都後退了一步。莫非Bob要搵定後路，轉行揸巴士養家？

{{hket:inline-image name="50.jpeg"}}{{/hket:inline-image}}

Bob將當日成功考獲巴士車牌的開心片段在上網分享。(電影公司)

{{hket:inline-image name="53.jpeg"}}{{/hket:inline-image}}

為拍戲Bob聯同王菀之一齊去學楂巴士及考巴士牌。(電影公司)

其實Bob是因為在電影《阿索的故事》中飾演巴士司機，為工作需要去考牌。Bob接受《晴報》訪問，講到學揸巴士到成功考牌，「係難㗎，巴士太大架，轉彎時間同揸私家車好唔一樣，用軚盤同踩油嘅力都唔一樣，入彎要遲少少先扭先轉，否則會壓到旁邊啲欄杆、車同交通標誌！所以，做巴士司機唔容易，啲客上上落落，仲要處理其他問題，要好好精神狀態先得，我好佩服所有巴士司機。考第一次係肥咗佬，今次係考第二次！」

Bob大膽踩入ViuTV FB惹過檔疑雲 覆負評被寸爆「小心方丈小器」【下一頁】

{{hket:inline-image name="22.jpg"}}{{/hket:inline-image}}

疫情下Bob工作量大減，要養起一家六口真係唔簡單。(林盛斌IG)

講到轉行揸巴士搵食？Bob坦言：「真係要揸就要再補鐘，再上吓堂先，要多啲路面經驗，先可以揸架車出去載客，唔係咁容易同簡單，但多個車牌旁身係開心嘅，多謝！拍到呢套戲令自己有所得著。」他老實不客氣推銷自己，「今次Po呢條片，係想運用吸引力法則，主動出擊搵工作機會，想話畀大家知，我考到巴士牌！如果巴士公司、旅遊巴公司或相關業務機構可以搵我拍廣告、搞活動，希望吸到啲工作返嚟！」

{{hket:inline-image name="23.jpg"}}{{/hket:inline-image}}

揸巴士都係一個出路嚟！(東星娛樂)

另外，謝霆鋒和陳慧琳 (Kelly) 是圈中「舖王舖后」，面對疫情衝擊，磚頭都撐不住！有3間巿值超過3億的地舖的Kelly，但在尖沙嘴加連威老道的地舖，由年初至今未能成功租出，單是帳面就損失80萬。而霆鋒在中環的地舖租金跌幅6成多，收益大縮水。

{{hket:inline-image name="30.jpg"}}{{/hket:inline-image}}

「舖王」謝霆鋒因疫情影響，中環地舖有作適當租金調整，助租客度過難關。(鋒味FB)

{{hket:inline-image name="27.jpg"}}{{/hket:inline-image}}

陳慧琳在尖沙咀加連威老道有雙號地舖，其中一間幾近一年無人問津租用。（東星娛樂）

撰文︰衛紫敏

是非女王︳葉璇拍內地節目成話題製造員 公開求復合內地前度小默再談戀愛 【下一頁】