女藝人羅泳嫻事隔一段時間沒有在無綫露面，昨日她亮相無綫舉行的《長期服務暨傑出員工榮譽大獎頒獎典禮2020》領取「20年長期服務獎」，原來她已加入20年！羅泳嫻近年專注主持工作或擔任節目嘉賓，拍劇要數到2019年的《福爾摩師奶》、《白色強人》和《金宵大廈》 ; 訪問期間，得悉她在地產界發展順利，更在疫情下剛剛榮升媽媽，實在驚喜！
無綫長期服務金牌│韓馬利入行40年因病改變人生觀 鍾志光蘇恩磁30年來火花十足【下一頁】
羅泳嫻久未露面，原來已經榮升媽媽級。(《晴報》林良明攝影 ）
與一眾演員領長期服務獎。（歐瑞偉Facebook）
不經不覺已經加入無綫20年。（羅泳嫻Facebook）
2020真係好「甘」的一年。（羅泳嫻Facebook）
羅泳嫻3年前跟結婚6年的德籍丈夫Daniel離婚，後來轉行做地產經紀，問到她的感情生活時，「我剛剛生咗個BB仔，你見我未瘦晒身，仲想瘦多10磅，希望各大美容產品公司搵我代言。BB仔係疫情期間出世，而家幾個月大，之前比較低調，唔係唔想畀人知，係因為疫情，大家都唔探得我。我個肚最大嗰陣又在家工作，所以大家唔覺眼。」她表示在地產界遇上真命天子，都是同行，跟對方先生育後補辦婚宴，「年紀大，我40歲係高齡產婦，唔生就怕生唔到。婚禮畀疫情Hold住，等疫情好轉再補辦婚禮。」
BB仔好可愛。（受訪者提供)
羅泳嫻直言幸好選擇在政府醫院生產。（受訪者提供)
囝囝擺晒甫士好有型。（受訪者提供)
似媽咪定似爸爸呢？（受訪者提供)
高齡產子，視囝囝為心肝寶貝。（受訪者提供)
(羅泳嫻Facebook)
由於深明自己是高齡產婦，羅泳嫻刻意選擇在設備較完善的政府醫院生產，惟一波三折，她形容幾乎喪命，「我生仔生咗38個鐘！後來真係冇力，要醫生嵌佢出嚟……生完成個人謝晒，我喺病房等BB沖完涼，諗住抱佢，點知我血崩，止唔到血！即時進行急救，過程仲痛過生仔，我要簽字接受輸血。」她續稱非常感激伊利沙伯醫院的團隊，「接受急救時，好擔心初生囝囝未能進食『黃金初乳』……護士花30分鐘幫我擠初乳，再拎去餵囝囝，我先安樂！我覺得所有護士都好到不得了，好感恩。」由於疫情的關係，育嬰班沒法舉行，「我哋冇聘請陪月，外傭又未能安排來港。會親自照顧阿仔，希望我呢個新手媽媽唔會太忙亂啦！」
【仁心解碼II】羅泳嫻曾被吳啟華背叛大方應對 空中奇緣終獲幸福 40歲做豪宅經紀【下一頁】
今年6月現身麥長青的網上節目。（麥長青Facebook 截圖)
係有啲肥態……（麥長青Facebook 截圖)
成功轉行，做地產經紀買賣豪宅。（羅泳嫻Facebook)
長腿絕對是她的招牌。（tvb.com圖片)
直言近年已減少拍劇。（tvb.com圖片)
羅泳嫻開網台講靈異故事，大受歡迎。（羅泳嫻Facebook)
對於領取「20年長期服務獎」，羅泳嫻直言20年時間過得很快，感激公司尊重，鼓勵她繼續做下去。她近年專注地產工作，拍劇時間困身，所以比較少接，主要都是在節目講星座、靈異故事等，「藝術生涯無正式保障，好被動，不過地產界、金融界就會畀到信心自己。」
羅泳嫻2001年加入無綫，翌年拍攝《黑夜彩虹》時跟吳啟華戲假情真撻著，不過2003年底吳啟華遭踢爆北上尋歡，羅泳嫻得知後便與對方和平分手。
責任編輯：楊安莉