【聲明】港生活網站並無進行電話推廣活動

姜濤明年目標練大隻

發佈時間: 2020/12/10

MIRROR成員姜濤昨日到尖沙咀出席商場活動,為「桃」氣主題概念店化身一日店員,吸引近百「姜糖」捧場。姜濤表示從台灣回港後要密密賺錢,他說︰「我唔清楚收入,交晒畀阿媽負責理財,好感激疫情期間仍有工作。(會否怕隊友妒忌?)唔會啦,大家各有各忙,得閒嘅話我會學唱歌跳舞增值自己。」趁聖誕前搵個女友?他竟借新歌《愛情簽證申請》解圍:「無諗過,我都無遞交簽證申請,但公司無限制拍拖。」有指姜媽媽想他找個台灣女友,姜濤直言︰「係呀!佢想移民台灣,其實台灣人都好熱情,知道我嚟自香港都好照顧,不過台灣好多靚仔,我喺嗰邊唔算靚仔。」

提到熱播中的《全民造星III》,姜濤睇好Manson(張進翹),又讚隊友Stanley(邱士縉)的女友Alina身材好,他自爆︰「花姐(黃慧君)想我練到好似Stanley咁大隻。」至於有傳《造星III》十強名單流出,花姐表示已忘記誰可以打入十強,而且要保持神秘感,又稱總決賽將於本月26日在九展舉行,不設現場觀眾。

攝影︰林良明

姜濤明年目標練大隻

姜濤連環打卡,更想趁機挑選聖誕禮物送給花姐。