籃球剋星︳黃建東演籃球手踢走16磅肥肉 落場操波手指公篤魚蛋變豬手

黃建東近排為新劇《把關者們》努力操Fit Body，除了密密做Gym，上星期還相約友人到街場打籃球，可惜出師未捷身先死，未練成神射手，手指公已「篤魚蛋」受傷，急去看跌打療傷。阿東在社交網上分享出事經過：「為咗預備套新劇角色要打籃球，我就逼自己去咗由中二嗰年起，因為食咗三次波餅，而流咗三次鼻血，一直闊別嘅籃球場，拋低我嗰顆驚波嘅心，毅然搵咗啲港隊同甲一教我打籃球，明明我自己喺旁邊練緊拍波同射波之際，無啦啦畀人捉咗去鬥波，跟住阿甲一傳個波過嚟，我一接就即刻手指公篤魚蛋，痛到阿媽都唔認得。」雖然出師不利，但未有打沉阿東士氣，他笑道：「正所謂喺邊度跌低喺邊度起番身，籃球呀籃球，有一日我會同你做friend！」

{{hket:inline-image name="04.jpg"}}{{/hket:inline-image}}

黃建東打籃球搞到手指公「篤魚蛋」受傷 ,要去睇跌打敷藥。（圖片：網上）

【阿媽曾被呃8萬】黃建東遇點數卡騙徒出絕招擊退 「可唔可以畀多啲耐【阿媽曾被呃8萬】黃建東遇點數卡騙徒出絕招擊退 「可唔可以畀多啲耐性氹我落疊...」性氹我落疊...」【下一頁】

{{hket:inline-image name="02.jpg"}}{{/hket:inline-image}}

黃建東打波打到變咗隻豬手出嚟。（圖片：網上）

{{hket:inline-image name="01.jpg"}}{{/hket:inline-image}}

黃建東要不停操Fit，佢話好想擁有羅子溢嘅Body。（圖片：網上）

阿東接受《晴報》訪問，講到為新劇重返禁足十多年的籃球場打籃球時話：「其實我以前都鍾意打籃球，但因為中二時打籃球食咗幾次波餅，仲流咗幾次鼻血，自此就驚咗唔敢再打，不過，為咗新劇我專登走去練波，點知手指公唔爭氣篤魚蛋。（籃球係你剋星？）我都唔知呀，冇所謂啦，邊到跌低邊到起番身，要克服呢個恐懼。」至於負傷演出《歡樂滿東華2020》及《流行經典50年》的鋼琴自彈自唱演出環節，阿東覺得每個演出都是一個難得機會，就算忍痛都會堅持完成。

{{hket:inline-image name="15.jpeg"}}{{/hket:inline-image}}

黃建東負傷忍痛騷琴技。（圖片：網上）

連月來見勤做運動的阿東，身型明顯消瘦了很多，他開心表示已經成功減走16磅，臉都變尖了。是否想回復當年香港先生的Fit爆Body？阿東笑言：「當年太瘦啦，瘦到好似馬騮咁，我而家係想做大隻仔，想好似羅子溢嘅身型囉，哈哈！」

{{hket:inline-image name="06.jpg"}}{{/hket:inline-image}}

2011年黃建東參加香港先生選舉，身型同而家進化都幾大喎。（圖片：電視截圖）

{{hket:inline-image name="11.jpg"}}{{/hket:inline-image}}

羅子溢係肌肉男神，連男人都渴望有佢嘅Body。（圖片：東星）

撰文：衛紫敏

張振朗蔡思貝兩劇情節大反差 槍指額頭再跌深坑喊完又笑 【下一頁】