家居裝修往往開支龐大,但DIY小改造慳錢之餘,也可讓家居注入新鮮感。一位港婦最近欲將居住多年的村屋單位翻新,由於裝修公司報價至少5萬元,為了節省開支,決定由大裝修變小改造,自行在淘寶網購貼紙粉飾全屋,僅花500港元便貼滿半間屋,將家居變得型格有品味。
屋主Eva接受《晴報》訪問時表示,11年前與丈夫遷入一村屋單位,只在入伙時進行過簡單裝修,一直都希望可以逐步翻新家居,於兩年前更換黑色廚櫃後,卻覺得銀色雪櫃與廚櫃風格不太匹配,一直「睇唔順眼」,其後到牆紙店購買黑色木紋牆貼,將銀色雪櫃改造成黑色,統一整體風格,
「後來又覺得發黃嘅牆紙,和狗尿漬斑斑嘅乳膠漆牆唔順眼,諗吓係唔係時候要裝修呢?」
翻新前,廚房裝修設計以木紋和白色為主。(受訪者提供)
$500成本改造家居 慳數萬元
自萌生翻新家居的念頭後,Eva曾試過找裝修公司報價,涉及工程包括撕走及重新黏牆貼、三道木門油漆、剷底及重新油樓梯牆壁,開價5至8萬元,但她認為價格太高「唔係好值」。加上受疫情影響,在家時間增加,加上已有「翻新」雪櫃經驗,決定再次DIY,在淘寶平台網購貼紙,自己親自度位及裁剪,僅花費約500港元就完成改造,
「得閒整啲,貼咗半間屋出嚟,但如果一氣呵成,相信3、4日可完成,一路貼一路諗住自己賺咗$50,000就得㗎啦」。
廚櫃兩年前換成黑色飾面,Eva再將雪櫃貼成黑色。(受訪者提供)
泛黃牆身變黑色型格北歐復古風
由於Eva鍾情黑色,除了廚櫃選用黑色外,牆貼亦選用型格時尚的黑色。由於樓梯玄關位原擺放「狗廁所」,導致牆壁沾有尿漬而泛黃;翻新後,貼上立體木紋圍牆貼紙,搭配黑白格紋地板貼紙,裝潢頓時變得煥然一新。
飯廳方面,餐枱旁邊的梯型書櫃原為白色漆面,Eva以黑色牆貼「翻新」櫃面,在白色牆壁上效果更顯著,讓整體設計呈現北歐復古風,Eva和家人都非常滿意,
「屋企人初頭見我淘埋晒啲『黑蚊蚊』嘅嘢返嚟,話應該唔會靚,仲會搞到間屋『黑蚊蚊』,但貼完之後又笑住話OK喎!呢次係我第一次嘅自己『裝修』屋企」。
雖然對於整體效果非常滿意,但Eva也坦言,這個DIY小改造也有缺點:「而家你見到嘅所謂『裝修』係冇剷底就咁貼落去㗎 !但係如果遲啲我會整埋個廳嘅另一邊,我就會重新貼牆紙,到時會喺YouTube學剷底」。
Eva又會以貼紙為掣面進行小翻新。(受訪者提供)
翻新前,單位以白色為主調,風格柔和。(受訪者提供)
翻新後,設計風格強烈,但又不會太過陰沉。(受訪者提供)
翻新前,牆身沾有狗尿漬的乳膠漆牆。(受訪者提供)
木紋圍牆設計牆貼營造「小木屋」的感覺。(受訪者提供)
公屋裝修︳四口家29萬裝修翠屏邨公屋 甩皮甩骨40年舊屋大翻新,詳情即睇:【下一頁】
每朝索取《晴報》:精明生活.健康家庭.開心娛樂
撰文︰劉紀瑩