【聲明】港生活網站並無進行電話推廣活動

太古地產「白色聖誕專車」 播歌籌款社區送暖

發佈時間: 2020/12/11

聖誕節假期快到,黛安收到風,今年太古地產嘅團隊除咗已送出超過$40萬聖誕禮物畀唔同社區群體,最近又推出「白色聖誕專車」,由即日起到下星期五(18日),喺指定日子去灣仔星街小區同東涌東薈城,同大家一齊慶祝聖誕!公關姊妹話,聖誕車會喺午飯同傍晚時段去到指定地點,為社區送上源源不絕嘅聖誕音樂;團隊亦會喺車上錄製6個各長半個鐘嘅音樂節目,並於指定日子嘅晚上9時,喺KKBOX同太古地產嘅fb專頁播放,期間每收到1個Like,太古地產就會捐$10畀註冊慈善機構「愛心聖誕大行動」㖭!

黛安知道,呢6集節目內容分別涉及6個唔同社區群體,例如基層家庭、上班族、護理人員同少數族裔等,節目入面會透過著名歌手同本地年輕音樂人嘅表演講佢哋嘅故事,大家記得記住時間去湊湊熱鬧!

太古地產「白色聖誕專車」 播歌籌款社區送暖

團隊會在White Christmas Express上錄製6個音樂節目。

撰文: 黛安 消息特靈八卦公關
欄名: 八卦名利場