阮兆祥爆君如借用湯匙照鏡

阮兆祥、黎耀祥繼續在清談節目《雙祥見》踢爆藝人趣事，最新一集提到吳君如，阮兆祥指君如好貪靚︰「佢鍾意照鏡到病入膏肓嘅程度，有次聚會，佢突然拎起隻湯匙，以為隻湯匙有咩問題，原來佢係用湯匙背面嚟照鏡。」

阮兆祥又憶述某年跟「肥姐」沈殿霞一起上賭船登台，肥姐除了光顧賭船上的所有餐廳，更點齊所有最好的菜式，一日食足七餐，每餐都大魚大肉，大家非常有口福。而黎耀祥則爆曹永廉拍外景時有個「百寶袋」，袋中有防曬用品、蚊怕水及幾個充電器。