林正峰（阿楓）於《香港愛情故事》中飾演龔嘉欣弟弟，是一名「宅男廢青」。如果大家有看過《香港原味道》，《#後生仔傾下偈》等節目，對林正峰這個名字一定不會陌生。入行3年的阿楓做主持為主，今次是他第一次拍劇。這位拍劇初哥表示相當緊張，亦因拍劇是他一直以來的夢想，因此對這個機會份外珍惜。
阿楓入行3年。（林正峰IG）
阿楓接受本報訪問時坦言第一次拍劇十分有挑戰性，不過由於與他本人一樣都是後生仔角色，因此亦有一定信心，亦做了很多準備工夫。「為咗呢套劇，我除咗去留意身邊嘅人之外，仲會上網搵呢種角色嘅人嘅特質去學習。喺拍攝前我都會好仔細去諗同試每一句嘅動作同埋表情要點做。導演亦好信任我哋，畀咗好多空間我哋去創作個角色。」他自嘲樣子似「宅男廢青」：「同埋好彩我唔靚仔，我個look只要整一整，睇落去就會似宅男廢青，哈哈！」
演一名「宅男廢青」。（《香港愛情故事》電視截圖）
係龔嘉欣細佬。（《香港愛情故事》電視截圖）
他亦感謝在劇中飾演他家姐的龔嘉欣及父親石修：「我記得頭嗰幾場戲就係同佢哋一齊拍，嗰陣我真係好緊張，但係佢哋當我係細佬同埋個仔咁照顧。係拍攝過程中我都有請教佢哋同埋導演，佢哋都好樂意教我。記得拍緊劇嗰陣未到我嘅時候，我係旁邊睇佢哋點做，真係學到好多嘢。」
劇中一家～（林正峰IG）
龔嘉欣仲大讚阿楓又乖又專業。（林正峰IG）
提到劇中有一幕他知道游嘉欣拍拖後，臉色突然一變，問到劇中他與游嘉欣的關係，阿楓即大賣關子：「喺《香港愛情故事》入面係咪真係游游隻兵，咁就要留意之後啦。」
不過他就坦言自己以前有做過「兵」，「以前鍾意過一個大自己4年嘅女仔，嗰陣我做足哨兵、通信兵、步兵等等嘅崗位。個女仔每日都叫我陪佢傾電話傾通宵，個原因佢話係因為佢好悶同埋我把聲好聽，聽聽吓可以瞓覺，然後又叫我每日Morning call佢，平時都會叫我陪佢食飯放狗等等。」
阿楓以為機會來了，便與對方表白。「點知佢就話我唔適合佢，但係可以繼續做返咁嘅相處方式嘅好朋友。然後我同自己講只要再付出多啲可能都仲有機會，但而家諗返都覺得自己好傻。」
到底佢劇中同游嘉欣有咩關係呢？（《香港愛情故事》劇照）
現實中有個拍拖兩年嘅女友。（林正峰IG）
除了《香港愛情故事》外，阿楓在之後的劇集《兒科醫生》中都有份演出，更與鍾嘉欣有不少對手戲。「劇中我係佢嘅實習兒科醫生。佢係一個好善良、對我好好嘅前輩。佢教曉咗我好嘢，不過佢教我最多嘅反而唔係做戲，而係一啲生活上，同埋喺娛樂圈、甚至感情上會遇到嘅難題，佢會點面對，有好多嘢都啟發咗我。」他更表示知道嘉欣拍完戲就要返加拿大後，十分不捨，「佢走之前都有鼓勵我，呢段時間好似我嘅心靈導師咁，好多謝佢。」
阿楓好多謝嘉欣呢位心靈導師。（林正峰IG）
26歲的阿楓於單親家庭長大，媽媽要獨力湊大三姊弟。不過母親因身體問題不能工作，因此小時候要拎綜援。之後阿楓考入香港大學社會工作學系，畢業後做過三年全職社工，同時又一邊做主持。「嗰三年入面，星期一至六做社工都係由朝頭早做到夜晚，一收工就去拍嘢。可能你會問我點解要咁辛苦，但係因為我真係好鍾意做戲、做主持，所以我唔想放棄我嘅興趣，我好希望有一日呢個興趣可以變成我嘅終身職業。」
畢業後做過三年全職社工。（林正峰IG）
他又指自己現在就算入了行，幫助弱勢社群及服務社會的心一直都沒有變：「而家用兼職社工嘅身份去繼續幫助其他人，好希望有一日我可以好似周潤發、古天樂咁，用另一身份去幫助更加多嘅人。」
有遠大理想。（林正峰IG）
《香港愛情故事》林景程演地產經紀一晚三劇都有份 與劇中一演員原來是表兄弟關係 【下一頁】
撰文：林惠珊