香港男團不算多，於1999年成軍的EO2大家還有印象嗎？成員有Eddie（彭懷安）、Osman（洪智傑）、Otto（王志安）和Eric（謝凱榮），由當年20出頭，到現在個個40+，變了「中佬男團」，其實四子中Eddie和Otto仍有幕前演出，Eric則專注教跳舞 , Osman曾經轉戰銀幕，拍了兩部意識大膽的電影《永久居留》和《愛很爛》，當中《愛》片有全裸演出，令Osman擠身三級演員行列。
近日四子「合體」現身，與多年好友兼排舞師Dee接受無綫娛樂新聞台節目《StarTalk》訪問，原來今次四人重聚是獲Dee的邀請，為一個音樂企劃演出，將四子過去多首作品重新編曲及排舞，四子在MV最後部份客串演出，對EO2來說是一個值得紀念的Project 。
EO2喺90年代係跳唱男團 ，時間不流人，咁快就成軍21年。(圖片：東星)
EO2近日幫排舞師好友拍ＭＶ，四個變咗「中佬男團」，又嚟個集體回憶先。（圖片:網上截圖）
至於四人身型變化最大是Eric ，臉形身材明顯飽滿，中佬味十足，而今年爆出秘婚的Eddie，被老婆成功收服甩掉浪子味，而Otto經常孖住謝東閔行山做運動，樣貌和體型就Keep得最好，至於Osman就開班教跳舞，相信舞功方面一定沒有退步。Osman表示集合四子不是易事，因大家各有發展，他教學生跳舞，Eddie要拍戲，Otto就編劇工作，始終七年冇合體，大家生活和工作都不一樣。
【婚禮豁免限聚令】彭懷安疫情下迎娶圈外女友Ivy 「戴上戒指就多咗一份責任」 【下一頁】
冇認錯呀，係呀，係Eric呀，脹爆咗囉，要Keep下啦!（圖片:網上截圖）
Eddie又冇乜點變，只係由光頭仔變了光頭中佬。（圖片:網上截圖）
Otto係運動型，經常同謝東閔去行山，身型亦係四人中最Fit。（圖片:Otto IG）
因為MV中四子有一顯舞技，Otto承認因近年很少跳舞而擔心應付不來：「好彩一埋位就好似師兄弟歸位，不過跳咗20次Eric都係跳錯！」被爆舞技退步的Eric笑言：「我特登！咁咪有改進嘅空間！其實我以為自己冇錯，跳得啱，但原來係錯！」而Eddie就直指Eric身型脹爆，Eric即解釋:「因為有咗小朋友，每日要照顧佢，完全冇時間做運動，而家我又鍾意食嘢，教完堂就拉隊去打邊爐，所以我奉勸大家做完運動真係唔好打邊爐。」
當年樂壇難搵食，Osman有機會跳到大銀幕拍戲，喺電影《永久居留》就有大膽「男男戲」。（圖片:網上截圖）
Osman喺另一部《愛很爛》有全裸演出 ,成為三級男星。（圖片:網上截圖）
香港人最愛集體回憶，成軍21年的EO2會否開一個紀念演唱會？四子稱今次拍完MV，因為是客串，所有有點「唔夠喉」，而歌迷都向他們說演出部份太少，至於演唱會，他們謂：「想嘅，但都要講機緣，唔係話出嚟就出嚟，我哋自己四個去唱下K先，或者開Live唱畀大家聽。」
EO2四子合體為排舞師的音樂企劃中的ＭＶ再展舞技。（圖片:Otto FB）
期待EO2可以開一個紀念演唱會，等大家可以一齊集體回憶一下。（圖片:EO2 FB）
(左一) 主播許文軒、排舞師Dee及組合EO2成員Osman、Eddie、Eric、Otto接受節目《StarTalk》訪問。（圖片：大會）
撰文：衛紫敏
打工仔寫照│麥明詩捱夜獲同事送蛋糕賀生日 素顏殘樣食完蛋糕繼續通宵開工 【下一頁】