現年60歲的吳麗珠在《歡樂今宵》停播後轉行做地產經紀，她日前亮相ViuTV靈異節目《總有一瓣喺左近》，大談睇樓時遇到的奇怪事件。
【聚首一堂】60歲吳麗珠保養得宜艷壓全場 吳綺莉韓君婷罕有合照跌晒watt？【下一頁】
吳麗珠大談睇樓時所遇到的奇怪事件。（《總有一瓣喺左近》節目截圖）
談到轉行的原因，吳麗珠透露契機來自已故好友司馬燕昔日的生日宴：「席上，坐喺我隔籬嗰個人原來係從事地產嘅，咁我就問：『有冇咩工可以介紹畀我，等我得閒學吓做其他行業？』」由於地產經紀沒有底薪，可以有空才上班，於是吳麗珠就抱住姑且學習新事物的心態去嘗試。
女強人講鬼故大受歡迎│羅泳嫻離婚後做地產經紀遇真愛 疫情下當媽媽一度遇血崩急救【下一頁】
吳麗珠笑指自己膽大包天。（《總有一瓣喺左近》節目截圖）
看完荒廟靈探片段，膽生毛的吳麗珠就話自己職業病作祟，只想到可以把廟宇重建發展。（《總有一瓣喺左近》節目截圖）
吳麗珠表示曾經從朋友口中聽聞，原來除了荒山野嶺，就連住宅都會有「結界」，讓主持人都「毛管戙」：「（朋友）同家姐以及另一個朋友入去睇樓，家姐佢哋喺廳，朋友就八卦走咗入房周圍睇，但好奇怪，朋友竟然行極都行唔返出客廳，搵嚟搵去都搵唔到房門，於是打電話啦，點知電話又收唔到，最後大嗌起嚟，終於家姐聽到，幫佢開房門，佢先出到嚟。」
有玄就有機│李丞責曾兩度誤闖結界大難不死 向北帝求姻緣成真：「想要港姐」【下一頁】
主持人笑指不介意住在一間大到有結界的屋。（《總有一瓣喺左近》節目截圖）
提到親身經歷，吳麗珠就指與花槽藏雙屍命案有關，1984年銅鑼灣伊利莎伯大廈A座某樓層一單位花槽被發現有血水滲出，警方從花槽裏挖出一對新加坡金商少東兄弟的屍體，此案至今仍然未破。吳麗珠表示自己曾負責推銷與命案單位同層的住宅，上到該樓層去視察環境時，經歷亦十分古怪：「我負責推銷嘅住所同出事地方之間相隔一個單位，我一出𨋢其實可以唔經出事單位，直接行去負責單位，但我唔知點解無端端行咗去出事個單位，啱啱出事單位又開咗門，有人搬緊嘢，我當堂打咗個冷震，之後就去番負責住所影相做嘢。後來登廣告，有50個客打過電話嚟想睇，但一聽到喺凶宅隔離再隔離都即刻唔睇。」
吳麗珠曾負責推銷與花槽藏雙屍命案單位同層的住所。（《總有一瓣喺左近》節目截圖）
吳麗珠曾在弟弟回魂夜看見一隻大飛蛾。（《總有一瓣喺左近》節目截圖）
她又指藝人龍天生曾向她提及一件撞鬼經歷，他早年曾與鄭則仕夾錢租平屋住，有一天側躺在床時感覺到一個類似哪吒的靈體伏在自己身上，當他向該靈體大喊走開後，感應到靈體彈了上天花板，然後再沒有騷擾他，他笑指這是「發窮惡」，連鬼都要忌他幾分。
【雙祥見】黎耀祥同鄭則仕拜神乳豬打孖上 阮兆祥撞鬼險出事：「扭軚盤三次」【下一頁】
63歲的龍天生近年積極培訓配音人才。（龍天生工作室FB）
吳麗珠於1980年參加無綫第九期藝訓班入行，因在綜藝節目《歡樂今宵》的出眾表現而為人熟知。後來節目於1994年停播，雖然她仍然接到不少登台工作，但為了保障生計，決定跳出電視圈，轉行做地產經紀。她曾在訪問中提到：「我第一單交易係一個1,800幾萬豪宅，我純袋8至9萬蚊佣金，真係覺得幾好喎！後來就貪心，做地產、股票、登台、拍攝又做製作工作，一次過打五份工。」
吳麗珠去年跟「容姨」譚倩紅一齊慶祝生日，兩人同樣在8月28日生日。（微博圖片）
撰文：梁美賢
責任編輯：楊安莉