ViuTV最新一集節目《執屋》，主持人英健朗（小占)、王頌茵（Kathy）帶同「雜物諮詢師」阿橙出動 ，到一個四人家庭進行「斷拾離」。與上集亂到不堪、梳化直立在客廳的情景相比，今集算是小兒科 ── 一對年輕夫婦Ray和凱儀 ，同住父母家，這個4人家庭雜物太多，其中洗手間內一個問題，令3位主持「O晒嘴」。
客廳面積不少 ，可惜傢俬雜物太多 ，感覺壓迫。(電視截圖)
藥物、口罩和其他濕碎物品，堆滿櫃枱上。(電視截圖)
主持人幫清理玄關位的多餘物件，重新擺放。(電視截圖)
先講入屋玄關位置，除了放鞋櫃、大大小小的收納箱來存放藥物、口罩、零食外，兩大個層架擺放Ray媽媽和凱儀的手袋及雜物，還有Ray愛錫的蜥蝪、龜和蛇等小動物的「窩居」。玄關位置就像「生物死物集中營」。「雜物諮詢師」阿橙表示︰「通常玄關多雜物，因為方便拎走和放低，唯一解決方法係將不常用物件取走及將它們歸一擺放。」單是Ray和凱儀執拾出來的保健藥品及口罩便遍佈一地。
見到滿地都是藥物及一盒盒口罩，好誇張！(電視截圖)
阿橙教屋主物品歸一擺放後，才有整齊感。(電視截圖)
前後對比！(電視截圖)
之後小占、阿橙跟Ray走到洗手間，單看浴室外觀相當乾淨，只是一個雜物鐵架較浪費位置，阿Ray說：「其實最多投訴就係呢個鐵架，試過阿媽一腳踢咗埋去，腳趾都瘀咗，大家成日撞到個架……」為何有問題不解決？Ray苦笑指爸爸不想丟掉 ，小占說從這個鐵架就看出這家人的性格是頭痛醫頭，腳痛醫腳，而不是根治問題。
隨即阿橙發現浴室只掛了一條毛巾，Ray竟謂：「我哋係用到一條毛巾濕晒先換另一條！其實老婆搬咗入嚟後，我有提議過一人用一條毛巾嘅！」言下之意，原來是一家四口共用一條毛巾。Kathy假設要和老爺共用毛巾，頻頻驚呼No！阿橙說：「呢件事係凌駕厠所全部問題，究竟係冇空間掛吖，定係一家人可以咁親密？」身為是註冊護士的小占坦言：「假設有人染皮膚病，咁抺完腳，然後你又用嚟抺其他位置，咁好似唔係太衛生。」最後小占找來一個貼牆掛架取代鐵架，一次過解決所有問題。
雜物諮詢師阿橙聽到Ray全家人共用一條毛巾，難以置信。(電視截圖)
小占對共用毛巾一事，認為個人衛生是非常重要。(電視截圖)
Kathy坦言不能接受與老爺甚至老公同用一條毛巾。(電視截圖)
因Ray母親曾不小心踢到鐵架而受傷，事後竟以膠紙綑著，咁踢到都冇咁痛！(電視截圖)
小占決定為Ray揸主意，在廁所換上新掛架，換走大鐵架，掛上4條毛巾！(電視截圖)
鐵架移走，簡單變掛牆架。(電視截圖)
至於廚房和房間都是囤積太多不必要的東西，如滿佈灰塵的花瓶、舊電器及多個保溫壼。而Ray的衣櫃及鞋櫃，就存放朋友親人送的T恤及波鞋 ，經過斷捨離後，成功騰出更多空間來。
《執屋》︳義務執屋斷捨離後煥然一新 小占廚房驚見恐怖史前物品？【下一頁】
鞋多到逼爆鞋櫃，全變沙甸魚。(電視截圖)
廚房有好多不用的花瓶和物件，最後決定捐給有需要的人。(電視截圖)
雜物太多，廚房冇位行。(電視截圖)
Ray與凱儀兩公婆的睡房，放滿收納箱和層架，阿橙提議改用抽屜膠箱會方便存取衣物。(電視截圖)
要為Ray的T恤作斷捨離。(電視截圖)
起勢咁掉！(電視截圖)
好治癒的畫面。(電視截圖)
最終多出空間，凱儀好開心話可以喺娘家搬啲衫過嚟……(電視截圖)
撰文︰衛紫敏
豪宅Home Tour│陳伶俐住6億獨立屋有私家𨋢 戶外無敵花園大到夠踢波 【下一頁】