新冠肺炎│張瑪莉憂疫情斥跳舞群組無懲處 「我哋政府真係好離地好離譜」

1975年香港小姐冠軍張瑪莉 (Mary) 近年因著新城電台的工作和在Facebook開直播，頻頻跟粉絲、朋友聊天互動交流，不時大談音樂、聖誕節和信仰等等，今日Mary跑完步回到自己座駕後，不吐一快，即時開live大吐苦水，以12分鐘多的時間表達對政府抗疫政策的不滿，「我平時好少睇報紙，頭先去club度食早餐睇報紙，點知真係份份都鬧緊！而家好多社區感染，唔同屋邨都有事，我睇到政府話12月22日先做酒店隔離，真係有少少豈有此理。」

Mary所講的其實是政府早前宣布規定所有從中國以外其他國家抵港人士，由12月22日零時零分起必須入住指定檢疫酒店的安排。「真係好多國家已經實行，我哋啲官仲慢慢話研究，仲使研究？咁多成功例子，澳門、內地、紐西蘭同澳洲，人哋個個地方都做晒喇！我哋啲漏洞簡直係離晒大譜！」

【從孤兒到幸福】張瑪莉因童年陰影患密室恐懼症 曾自卑生恨：「有父母好巴閉咩？」【下一頁】

{{hket:inline-image name="126142316_1440739152798811_1255798460722189019_n.jpg"}}{{/hket:inline-image}}

(張瑪莉Facebook）

{{hket:inline-image name="131441074_791361054746932_455979727133993442_n.jpg"}}{{/hket:inline-image}}

(張瑪莉Facebook截圖）

Mary見到不少病患不乏年輕人，所以呼籲年紀大的要更加小心，「今年聖誕節冇㗎喇，安坐家中啦，之後新年更加唔使諗，我估呢一波要去到農曆新年，我指政策如果係可行嘅話，不過就而家去睇啲政策真係完全唔可行囉！我覺得我哋政府真係好離地、好離譜，仲使研究？咁多成功例子畀佢哋睇啦！我哋政府好驕傲？唔係，唔係講政府唔啱，係裡面有人好驕傲，成日覺得自己方式好得！我哋而家唔係第一波，已經第四波喇，試過『清零』呀嘛，到底問題喺邊度呢？」

Mary稱不少朋友就算去不到外地，都早已轉上國內，還可以開心過聖誕，反觀留在香港的一群，苦不堪言，「我哋個個自己搞掂自己囉，香港市民真係好乖，呢段時間我完全唔約人食飯，次次去人少嘅地方食，都冇約人去，自己一人食早餐算，希望盡快度過呢個艱難時候，可以『清零』回復正常生活。點知原來唔係嘅，個個做好晒……我識又好、唔識又好，我都要講，(累計確診)700幾人喺唱歌跳舞群組入面，其實睇網上嘅相，個個唔戴口罩，又超過限聚人數，點解唔檢控佢？」她認為執法不應依賴警察，其他紀律部隊或食環署人員應要幫忙，「檢控有一定作用，應該唔只罰錢，因香港人很多唔志在錢，現時重點係疫情，關乎人命問題。」

【傳奇港姐】張瑪莉6歲成孤兒流落街頭 再婚8年難忘亡夫仍冠「李」姓【下一頁】

{{hket:inline-image name="e93af4ad135d2ee0d28d7a393df5b9d1_censored.jpg"}}{{/hket:inline-image}}

（網上截圖)

「唔好掉以輕心，緊記戴口罩、勤搓手，用完紙幣或信用卡都要清潔先放入銀包，小心飲食。」Mary提醒大家︰「大家要保持開朗，喜樂嘅心係良藥，我明白好難，今個聖誕節直情翻天覆地，但唔好唔開心，大家堅強少少！真心講去到呢個位，我就唔靠政府，靠政府就危危乎，所以自己做好佢，聖誕同過冬都盡量減少聚集啦！希望政府揸緊政策，咁樣真係令市民大大失望，我係其中一位市民，好彩唔係手停口停，但你睇出面成街全部吉鋪。咁多群組感染，冇任何警戒性質嘅執法，變相重災區又去番飲食業！」

{{hket:inline-image name="126277737_1443041782568548_7395957519645751226_n.jpg"}}{{/hket:inline-image}}

(張瑪莉Facebook）

責任編輯：楊安莉