1990年12月13日放映的電影《賭俠》踏入30周年,當年劉德華飾演賭神高進的徒弟刀仔,周星馳演星仔,加埋吳孟逹演的三叔,還有一代女神張敏演夢蘿,這個無敵組合創下當時香港4千萬票房的佳績,這種卡士今時今日應該不可能再重現。
而當年有份參予演出《賭俠》的單立文,飾演冒牌賭神徒弟侯賽因,大奸角非常搶鏡。近年他「從良」,由奸人侯賽因變成劇集《愛回家》的好男人熊樹仁。心水清的他記得《賭俠》踏入30周年,在IG出po集體回憶一番,上載侯賽因的英姿,寫下其經典對白:「想偷我雞?我two pair,你開嚟見我……慶祝《賭俠》上映30周年!」
「#其實侯賽因真係幾靚仔㗎」
「#唔經唔覺30年」
「#人不allback枉少年」
就趁30周年和大家回顧《賭俠》中的精彩場面啦!
傳授特異功能給三叔
星仔擁有特異功能,將一半的功力過畀三叔。星仔叮囑三叔話唔可以用特異功能,搵錢作樂,不能奸淫婦女,未散功前不能講粗口 ; 若然破戒,連星仔的一半功力都盡失。三叔有特異功能護體,星仔話要測試一下「頭頂碎磚頭」。最後,磚頭碎咗,三叔個頭破血流,星仔話「我正常嘅,我想測試啲磚頭夠唔夠硬!」
(網上截圖)
(網上截圖)
(網上截圖)
(網上截圖)
拍片拜師玩捽牌
拍片唔係而家先興,上世紀90年代,星仔已經做梗!他拍片向賭神拜師,攞住三支香話自己「三歲去澳門,四歲入葡京, 五歲賭到變成精」,要跟賭神學一技旁身。三叔問星仔點解拉低褲鍊,後者話「想嚇一嚇賭神畀個下馬威佢」,星仔跟住豁出去,換咗個賭神look,食住麵,捽埋牌嚟拜師。
(網上截圖)
星仔《滄海一聲笑》VS獨眼龍《焚身似火》
大軍 (程東飾) 運用特異功能將在賭枱上的星仔催眠,隨即令他跌入幻像中,變了令孤沖,邊拉二胡邊唱《滄海一聲笑》,實質星仔是攬住肥婆對腳唱歌!他亦有向大軍反催眠,大軍就化身鞏俐,轉身一笑,撲向熊熊烈火,至今仍然令觀眾記憶猶新。
{{hket:inline-image name="53.jpg"}}{{/hket:inline-image}}
{{hket:inline-image name="54.jpg"}}{{/hket:inline-image}}
(網上截圖)
星仔靠夢蘿恢復特異功能
星仔因為三叔破戒令他失去特異功能,夢蘿問到星仔可以點幫佢?星仔話「唔好意思開口」,她遂向星仔送吻成功幫他恢復特異功能。見星仔畀夢蘿搞到翻眼兼腳伸直,就知幾咁「香豔」。
(網上截圖)
侯賽因向夢蘿追債曬胸肌
當年長頭髮嘅單文立演大奸角侯賽因,奸到出汁。夢蘿為還債幫他令三叔破戒,但侯賽因想財色兼收,向夢蘿霸王硬上弓。侯賽因赤裸半身,向夢蘿有所行動!
(網上截圖)
單立文與老婆胡蓓蔚玩懷舊Look 扮John Lennon變成袁國勇?【下一頁】
真假賭神徒弟對戰
單立文自覺當年侯賽因外型靚仔,而現在的他就好有男人味。侯賽因假冒賭神徒弟,捉了三叔等人做人質來要脅刀仔,以賭俠之名辦賭船開局出千騙財。侯賽因、刀仔對戰,侯賽因一句「想偷我雞?」便成經典對白。而劉德華和周星駞首次合作就是《賭俠》,之後再拍《整蠱專家》。
撰文︰衛紫敏
《執屋》︳新抱和老爺竟共用一條毛巾抹身?滿地藥物口罩 衛生問題嚇死人 【下一頁】