自嘲同期藝訓班最醜小生 歐陽震華︰邊個可愛得過梁朝偉？

歐陽震華（Bobby）、宣萱早前為崔建邦（Amigo）的無綫清談節目《諸朋好友》任嘉賓，兩位經典熒幕CP在前晚播出的一集，互爆私隱又不時互窒，氣氛搞笑。Bobby提及自己在82年第11期藝訓班只是後備頂上，他感觸道︰「我哋嗰期邊個可愛得過梁朝偉？」

宣萱與Bobby可謂電視圈中最佳拍檔之一，合演過不少經典劇集，收視有保證。宣萱大讚老友為人真誠，卻踢爆他早年出埠開工時，以半桶水國語叫餸，誤將「咖喱魚頭」講成性騷擾的有味笑話。Bobby亦不輸蝕，嘲諷宣萱的身材是microwave（微波爐）。

談及當年考入TVB藝訓班，Bobby屬於後補學員，主持張秀文問Bobby是否真心覺得比別人差，Bobby回應︰「同班同學係張兆輝、梁朝偉、關禮傑，如果你係監製，會搵邊個做『賊』嘅角色？」他亦坦誠有自我洗腦，年輕時非靚仔亦非小鮮肉，戲言特別醜樣。Bobby又稱︰「我哋嗰期，邊個可愛得過梁朝偉？企喺佢隔籬係榮幸！」並稱讚偉仔有演戲天份是個天才。不少網友讚宣萱及Bobby夠合拍又爆笑。

崔建邦預告添食至20集

Amigo昨晚接受本報訪問，他坦言與Bobby相識一段日子，去年合作《伙記辦大事》再結緣，Amigo說︰「Bobby知我搵佢做嘉賓就一口答應，仲拉埋宣萱上嚟，可能見我個邀請短訊夠誠意！」他更大讚兩位嘉賓充滿默契，對答非常有趣。

Amigo預告下集內容，Bobby將談及13年在友人家中，疑因飲酒昏迷死過翻生的經歷；宣萱亦會大談感情生活，絕對令觀眾有驚喜。然而，Amigo透露節目將暫別觀眾，預計明年一月中再播︰「因為TVB節目調動，其實《諸朋好友》嘅嘉賓已經約咗，想趁呢個時勢畀啲溫暖觀眾。不過節目原定播13集，現時將添食至20集！」

撰文︰Steven

編輯︰陳禮恒

編輯︰梁政敏