《香港愛情故事》的貼地劇情引發觀眾共鳴，加上劇中小人物的現實對白，令大家一邊睇一邊發笑。林景程完全演活了香港地產經紀的苦與樂，角色Henry貴為陳子朗（羅天宇飾）的好兄弟，自然要留筍盤給他新婚之用，不過陳子朗的女友邱凱琪（龔嘉欣飾)在有限的預算又嫌三嫌四，唔想租樓又唔想買太細單位，遲遲都不肯下決定，令擁有三寸不爛之舌的Henry冇晒辦法。
《香港愛情故事》林景程演地產經紀一晚三劇都有份 與劇中一演員原來是表兄弟關係【下一頁】
林景程飾演的地產經紀Henry真係好好口才。(《香港愛情故事》電視截圖）
聽佢賣樓就好似睇佢個人棟篤笑一樣。(《香港愛情故事》電視截圖）
其中一集，Henry終於說服子朗和凱琪租劏房暫住，以6000蚊租住100呎單位，雖然是租盤，不過他都一樣費盡唇舌，不斷爆金句，非常搞笑。林景程說：「黃大仙做你鄰居，鄰居梗係守望相助，有乜法子唔好？」、「人生最花時間就係食、瞓、屙，呢度轉個身乜都做到喎，慳番你人生幾多時間！」、「伸一伸手拎杯咖啡飲，效率！」等等，他又形容單位夠細，連下班後要打掃清潔的時間都減少，他笑言：「你想掃耐啲都冇呀！」實在難得一見筍盤。
呢對小情人睇極都唔啱，最終睇劏房租盤，一樣發揮三吋不爛之舌本色。(《香港愛情故事》電視截圖）
掃地呢幕真係笑爆，三步就已經掃完個地，佢話：「想掃耐啲都冇！」(《香港愛情故事》電視截圖）
蝸居都畀佢講到豪宅咁款。(《香港愛情故事》電視截圖）
同一集，Henry遇上完完全全不同感覺的客人，正是劇中子婷（游嘉欣飾）的新加坡交流生同學周帆（劉子碩飾），他率先已準備10萬元支票抽新盤，說是體驗買新樓的過程，感受氣氛，不過原來是有錢仔有備而來。Henry帶兩位入去參觀，沒想到即時抽中揀樓，Henry開心得如中六合彩一樣，興奮得不顧儀態跳上櫈，令旁邊的人都側目。沒想到周帆沒有太多考量，秒速「扑槌」買下價值1080萬560呎的兩房單位，佣金袋袋平安，Henry興奮到跳起，表情都完全掩飾不到，非常搞笑。
而較早前，景程帶天宇和龔嘉欣睇舊樓時，他黃子華上身說：「無論世界點變，樓市始終不變。」、「呢個配套，呢個價錢，兩位你哋中咗六合彩」、「等到佢收經你都買唔到樓」等等，貼地得來又搞笑。
【使徒行者3】林景程演黑幫與張振朗對著幹 兇神惡煞洗走「小秉」傻更更味道【下一頁】
另一邊廂，新加坡富家子弟睇新盤豪宅。(《香港愛情故事》電視截圖）
你睇呢位地產經紀幾緊張，仲緊張過買家。(《香港愛情故事》電視截圖）
一聽到中籌，即時開心到跳上櫈，點呀你？(《香港愛情故事》電視截圖）
呢個成交嘅興奮表情，小編表示Cap得好辛苦。(《香港愛情故事》電視截圖）
林景程呢個地產經紀角色為劇集多添好多輕鬆氣氛。(《香港愛情故事》電視截圖）
景程將有關的演出片段上載到IG，他入晒角色慨嘆做地產經紀之苦，他說：「好似又要去睇樓，做經紀真係慘，睇十幾廿次都冇幫襯，遇著某啲客成日嫌三嫌四，要求多多又冇錢。」而他自嘲跳上櫈的一幕非常誇張，他說：「我又嚇親人，誇起上黎（嚟）我自己都驚，佢呢個表情真係好自然，係真心側目黎(嚟），我思疑佢以為未roll機既（嘅），心諗咩料突然要跳櫈，又唔知自己肥，百幾磅係咁鐘（樁）落張櫈度，跳爛櫈又忽必烈，呢啲高危動作。為左（咗)一千幾百萬就開心成咁，窮人既（嘅）生活真係難以明白。」沒想到反應熱烈，連圈中好友都紛紛留言，羅天宇說：「我有啲好奇你中咗六合彩之後會有咩反應。」周志康說：「大時代咁喎！」周志文則笑言：「請問你係咪功夫新星入行，因乜你身手咁好？」
不少網友都大讚景程生鬼出色，絕對是地產經紀的材料，更有網友笑言：「我唔買樓都想搵你睇樓。」、「做到入型入格」、「快啲考牌啦，好想睇樓呀！」莫非真係可以搵景程殺出一條新血路？不過景程除咗係演員之外，又識唱歌，本身仲已經係物理治療師，咁樣會唔會太忙呢？
呢個高難度動作，絕對值9.23分。(《香港愛情故事》電視截圖）
林景程演得又唱得，個世界仲唔係畀你玩晒？(林景程IG）
有冇興趣真係做埋地產經紀呢？(林景程IG）
責任編輯：楊安莉