拒陳家樂陪做運動 連詩雅戴口罩跑步見暈要人扶

連詩雅（Shiga）與梁諾妍（Inez）昨日出席跑步機健力士紀錄活動，Shiga將挑戰在跑步機上跑12公里，她雖有跑馬拉松經驗，但預計「原地跑步」會感覺沉悶又吃力。不過她謝絕緋聞男友陳家樂陪跑，又自爆跑街見暈的經驗。

連詩雅稍後將在跑步機上跑12公里，希望與其他參加者一同破健力士紀錄。Shiga說：「喺跑步機跑無風景睇，感覺會比較悶，我鍾意街跑，好多人一齊跑，士氣都大啲。」一向鍾情跑步的她，第四波疫情前幾乎日日跑街：「不過呢排天氣凍，一星期只跑兩日。我多數一個人跑，跑嗰陣會戴口罩，但戴住跑好辛苦，試過跑到面青口唇白見暈，好彩有人扶起我。」

問Shiga為何不找陳家樂陪跑？她即避談：「我鍾意一個人做運動，跑步係可以令自己靜落嚟嘅時間，係減壓良方。（覺得壓力大？）2020年個個都壓力大，點都會有啲負能量，所以希望能放鬆自己。」另外，她透露因疫情關係，在聖誕及新年期間錯失幾個賺外快的機會。

梁諾妍呻交租有困難

同場的梁諾妍開設健身室，但因第四波疫情而再度停業，她無奈說：「依家健身室無收入，但又要交租，我同其他股東傾過，完約後搬去細舖，希望捱得過。」提到政府計劃推出新一輪保就業計劃，她說：「希望受惠啦，夠交兩個月租都已經好好！」另外，日前她為男友洪永城慶祝生日，準備了特別造型蛋糕，又po合照放閃，她笑說：「係佢（洪永城）同個蛋糕放閃，我只係唔小心企埋去。」有結婚打算？她說：「兩個人到某個時期，就會有共識去做，順其自然啦，好似跑步咁，慢慢一步步跑落去。」

採訪︰Pauline

攝影︰林良明

編輯：李潔盈

美術：梁政敏