陳庭欣（Toby) 和圈外富貴男友楊振源（Benny）拍拖已兩年多，但Toby未有因其「正印女友」身份而起到阻嚇作用 ，男友經常被狂風浪蝶埋身，拍拖以來多次與其他異性傳出緋聞，先被傳與一個叫阿Yu的女子關係暖昧，繼而到落選港姐陳潔玲，有指女方經常出沒Benny的健身室宣示主權。到了上月，Benny又捲入無綫綠葉藝員謝可逸與失婚中女方潔盈（Jathy）的緋聞是非當中，有傳當年懷有身孕的Jathy曾想屈Benny是BB「經手人」。一單又一單的緋聞，Toby既往不究地大方為男友護航，力保「正印女友」之位。
陳庭欣和男友Benny經歷唔少緋聞，感情仍然打風打唔甩。(資料圖片)
陳庭欣否認Kitty係閨密，指唔正經嘅女仔要割席。(圖片：陳庭欣IG)
Jathy事件發生不足一個月，男友再次惹女埋身。有傳今次是Toby自己捉老鼠入米缸。事緣Toby為幫Benny的生意做宣傳，不時會介紹美容界的Model給男友認識，其中一個就是Toby的閨密蔡佩賢（Kitty）。Kitty自此就經常到Benny的酒吧打卡幫手宣傳，有指Kitty乘機向Benny投懷送抱，兩人瞞住Toby在酒吧私會，據傳Toby得悉後，曾兩度到酒吧撞破二人，Toby即時與Kitty反面割席，但未有向男友大興問罪。
是非未有影響Toby心情 ，因為同爸爸慶生大過天。(圖片：陳庭欣IG)
模特兒Kitty被指介入陳庭欣和男友Benny感情。(圖片：Kitty IG)
Toby接受《晴報》訪問，對於有傳男友暗撻Kitty，Toby心情平和回應：「篇文章有假有真。簡單地回應就係，我沒有介紹任何𡃁模。我跟呢個Kitty完全不是閨密，沒有經常出去吃飯飲酒，大家只是有共同朋友而已。因據報道所講『她喜愛背著男友暗交其他異性』，我最近都聽說過呢個Kitty係一個唔正經嘅女仔，所以我不再聯絡她，唔想近諸者赤，近墨者黑。另外，最近太多報道關於我嘅私人事，希望大家畀啲空間及私隱我，謝謝！」
男友捲入CEO「BB經手人」風波 陳庭欣直言唔開心 【下一頁】
Kitty喺IG經常Po性感泳衣相，身型確係不錯。(圖片：Kitty IG)
被Toby形容為「唔正經」女仔的Kitty ，據知她已有同居男友 ，她的IG以Model、曹星如「星女郎」 Ring Girl及《多功能老婆》LaLa來介紹自己，見她IG日前先出Po慶祝33歲生日，未有透露誰人陪她慶生，只寫着：「本來plan好的生日派對同生日飯都cancel 了，都多謝朋友幾日分批來我家裡同我慶生， 沒有華麗派對，簡單的心意，大家身體健康，開開心心，事業順利就好。」今日Kitty上載一張戴口罩新相，有網民留言 ：「咪攪Toby嘅男朋友啦。」至於Kitty的IG相薄沒有和Toby合照，反而和簡淑兒、陳婉衡、蘇晧兒和黃穎君是好姊妹，經常聚會影相。
Kitty原來同陳婉衡、蘇晧兒、簡淑兒和黃穎君先係閨密。(圖片：Kitty IG)
Kitty在曹星如嘅擂台戰上站台舉回合牌 ，做「星女郎」Ring Girl。(圖片：Kitty IG)
撰文：衛紫敏
《#後生仔傾吓偈》︳馮盈盈爆前輩教路要戲假情真 讚嘆情感能跳出跳入神級境界 【下一頁】