＃後生仔蒲頭︳孔德賢IG被鬧賤男不開心 對廖慧儀冇非分之想拒劃清界線

無綫《#後生仔傾吓偈》的孔德賢與落選港組、有「狂野空姐」之稱的廖慧儀傳出緋聞，引發連鎖效應。女方的舊愛Sam疑不堪分手打擊，為情所困在寓所墮樓輕生，更留下千字文遺書，指控廖慧儀種種不是，重提女方大話無數，瞞住他和另一人出街云云。

Sam生前曾公開警告孔德賢不要再搵他女友，及後Sam離世，孔德賢和廖慧儀一直「潛水」避風頭。有網民發現孔德賢和廖慧儀的IG分別有行山相，兩張相片比對下，發現地點是石澳的龍脊，而兩人身後的天色、雲霞甚至海浪都同出一轍，懷疑兩人交往時結伴行山。

{{hket:inline-image name="21.jpg"}}{{/hket:inline-image}}

孔德賢承認有去行山，但唔係同廖慧儀，係同「＃後生仔」嘅拍擋Enson。(孔德賢IG)

{{hket:inline-image name="22.jpg"}}{{/hket:inline-image}}

廖慧儀同孔德賢先後喺龍脊影相，但男方話冇見到前者喎。（廖慧儀IG)

Sam離世兩星期，孔德賢今日終於在無綫電視城出席《萬千星輝頒獎典禮 2020》記者會，隨即被傳媒包圍追問，他解釋近日為新劇《把關者們》開工而未能做主持《勁歌金曲》，與近日事件無關。對於Sam墮樓輕生及自己IG遭網民圍插鬧「賤男」，孔德賢坦言：「睇到好多留言，自己嗰日睇到新聞都好唔開心，大家都唔想發生，跟住網民一窩蜂湧入嚟我IG留言，數量非常之多。自己見到啲留言都好唔開心，朋友同家人都擔心我，見我IG咁多人轟炸，自己休息咗幾日，收拾心情先去工作。」

問到與廖慧儀關係？孔德賢稱如之前所說，只是朋友和同事關係。而懷疑他與女方一同行山的IG相片，孔德賢否認與廖慧儀同行，「網民好犀利，嗰日我係同『#後生仔』另一個拍擋Enson (劉頌鵬) 去行山，上到山好多人，嗰度係龍脊，好似行花巿咁，我就見唔到廖慧儀，亦唔知佢係咪同一日上嚟。我係同男仔一齊行，有放IG Story。」他稱沒有與女方聯絡，「事件發生後佢最需要空間同休息，因為紿終係一件唔開心嘅事，都無謂作太多嘅關心。」

有人講大話？︳廖慧儀背前男友同孔德賢行山？網友憑相揭穿兩人秘密交往 【下一頁】

{{hket:inline-image name="26.jpg"}}{{/hket:inline-image}}

稱在台慶有見到廖慧儀，有同佢打招呼。(孔德賢IG)

{{hket:inline-image name="20.jpg"}}{{/hket:inline-image}}

廖慧儀最後一次公開露面是無綫台慶。（廖慧儀IG)

孔德賢重伸同廖慧儀只是朋友，不是情侶關係。可擔心事件影響星途？「我覺得成件事，大家甚至我自己都係睇報道，其實未必知道或清楚件事始末，可能只有當事人先清楚，大家有唔同意見我係好明白嘅。件事令我明白要做好自己、對得住自己，做好自己工作，慢慢去努力。」

可會用無辜來容自己？「冇人想發生，唔開心嘅事唔可以用無辜嚟形容。大家心情都唔好嘅時候，無謂再討論咁多，因為佢屋企人見到都會唔開心，甚至係廖慧儀屋企人或朋友都會非常擔心，希望件事可以告一段落。」

{{hket:inline-image name="25.jpg"}}{{/hket:inline-image}}

告一段落？(廖慧儀IG)

同廖慧儀劃清界線？孔德賢覺得朋友同同事，不需要去劃清界線，見到面就打個招呼，他稱在台慶當晚有碰見她，有Say Hi。不怕被誤會？「因為我唔係諗嗰樣嘢，所以見到佢都唔會有其他非分之想，只係同事關係。」他承認事發後公司有向他了解事情，「唔係告誡，只是教我做新人點面對壓力，同埋提醒我以後做任何事情，工作和感情事都要小心。」

{{hket:inline-image name="28.jpg"}}{{/hket:inline-image}}

表示不需刻意劃清界線。(孔德賢IG)

撰文︰衛紫敏

拆彈專家︳陳庭欣富貴男友傳暗交閨密 即時割席：唔正經女仔唔再聯絡 【下一頁】