《萬千星輝頒獎典禮2020》昨日公布提名名單，今年成績突出的龔嘉欣，入行13年首獲提名「最佳女主角」，與黃智雯、蔡思貝等齊齊爭視后，令嘉欣開心得眼泛淚光。視帝方面，憑《使徒行者3》回歸無綫的林峯，將挑戰大熱王浩信、黎耀祥及苗僑偉等。
《萬千星輝頒獎典禮2020》將於下月十日舉行，昨日逾50位藝員出席記者會。龔嘉欣憑《殺手》的搶戲Dark Angel一角，首度提名視后，另外又憑《香港愛情故事》提名「最受歡迎電視女角色」。嘉欣在台上感觸得眼泛淚光，哽咽說：「我好鍾意呢份工！」她表示對自己有信心：「好多觀眾支持同鼓勵我，今次第一次提名女主角，我喺TVB由零開始，一步一步捱到依家。拍《殺手》真係好辛苦，留低好多後遺症。」
同場的蔡思貝與黃智雯一同角逐視后及「電視女角色」獎，思貝分別憑《踩過界II》及《使徒行者3》力爭兩個獎項，她說：「我無諗目標爭邊個獎，今年兩套劇一齊上好難得，有無獎睇緣份。反而最遺憾嘅係『最受歡迎電視拍檔』見唔到『大小姐』（賴慰玲）同『高彬』（張振朗）。」黃智雯有信心贏視后，亦睇好林峯初嘗視帝滋味。
黎耀祥「遺作」爭視帝
視帝方面，大熱門王浩信憑《踩過界II》惡鬥《使徒行者3》「爆Seed」林峯，另外《愛．回家之開心速遞》劉丹、《殺手》黎耀祥等亦角逐視帝。祥仔講笑指拍《殺手》太辛苦，差點以為劇集是遺作。會否第四度奪視帝？他坦言：「無信心，但期待，今年對手強。」譚俊彥憑《十八年後的終極告白》提名兩獎，笑言以平常心面對，或有機會爆冷得獎。
採訪：Pauline
攝影：林良明
編輯：李潔盈
美術：梁政敏
▲蔡思貝（左）與黃智雯均指獲提名視后，演技已得到認同。
▲黎耀祥（左）大讚譚俊彥演技出色。