孔德賢與廖慧儀劃清界綫

落選港姐廖慧儀的前男友Sam本月初自殺身亡，被指介入二人戀情的孔德賢，遭網民狂轟「賤男」，孔德賢更被飛出《勁歌金曲優秀選》的主持工作。「潛水」多時的孔德賢昨日現身台慶頒獎禮記者會，解釋因趕拍新劇，才獲安排調動主持工作。提到被網民洗版狂鬧，他坦言「唔開心」︰「家人同朋友好擔心我。（被公司照肺？）何哲圖同余詠珊都有打畀我，我係新人，佢哋都教我點樣面對。」

孔德賢再次強調與廖慧儀僅屬朋友和同事，有指他們私約行山？他立即否認︰「當日我約《#後生仔傾吓偈》嘅男主持去行龍脊，全程無見過廖慧儀，亦唔知佢有無去。」他自言日後在公司見到廖慧儀，也會打招呼。捲入事件感無辜？他說︰「我諗全香港無人想呢件事發生，唔講咁多，免得佢（死者）家人睇到唔開心，相信廖慧儀身邊人都擔心。」

攝影︰林良明