《香港愛情故事》播出以來反應不錯，男主角羅天宇大為感動、感觸。昨日出席《萬千星輝頒獎典禮2020》記者會時，大會公布他憑《香》劇首次競逐「最佳男主角」獎，亦是入行12年來的第一次。
天宇在台上跟其他候選人一齊分享感受時，遇著《愛回家》入面的「爺爺」劉丹，丹爺開玩笑稱自己是最年長的候選人，相信其他男演員不會跟他爭獎，要敬老咁話 ; 他身旁的黎諾懿笑言「丹爺講到咁，我all-in支持阿爸，男主角大家投佢，羅天宇你唔係仲夠敢拉票呀？」嚇到天宇即時口窒窒，場面非常搞笑。
《香港愛情故事》羅天宇龔嘉欣分一碟飯為儲首期 TVB劇集講買樓只有一個字：悲【下一頁】
羅天宇首次角逐「最佳男主角」獎。(羅天宇IG）
《香港愛情故事》「陳子朗」羅天宇 (左一)、《愛回家》「馬虎」劉丹 (右三) 和「馬壯」黎諾懿 (右二) 一齊競逐男主角獎。（東星娛樂)
2012、2015年《愛回家》中羅天宇是劉丹的孫仔。(《愛回家》網上截圖)
劉丹揚言要爭獎。(東星娛樂）
天宇在《香》劇中跟龔嘉欣打得火熱，新婚夫妻經常都會床上恩愛，近兩集終於解決住屋問題，擁有自己的小天地時當然豁晒出去開心一下 ── 兩人大玩cosplay，天宇扮特務，龔嘉欣以《飄零燕》海迪造型打扮，男方取笑她是「小乳燕」。
床上「埋牙」，當女方形容「濕濕哋」時，天宇說「咁咪啱囉，代表你渴求……」原來是翻瀉飲品才真！認真搞笑。這些「踩黃界」對白以往難以在黃金時段播出 ; 觀眾都睇得非常過癮，指這樣更反映現實，性事場面不再是「男女在床上蓋一張被」就完事。劇中天宇有句口頭禪，每次行房前都會叫「巨龍來了！」，沒想到意外令他多添一個花名。
《飄零燕》cosplay，勁搞笑。（《香港愛情故事》電視截圖)
兩人床戲幾乎晚晚上演。（《香港愛情故事》電視截圖)
天宇一句「鬼叫我哋係香港人咩？」，真係好心酸。（《香港愛情故事》電視截圖)
「小乳燕」龔嘉欣「濕濕地」……（《香港愛情故事》劇照)
《光豬六壯士》增加情趣！（《香港愛情故事》劇照)
天宇在Instagram留言說：「最近好多人叫我龍哥……唔知點解……點都好啦！好多謝各位喜歡我哋《香港愛情故事》，大家一定要繼續支持啊」。他接受《晴報》訪問，對於「龍哥」這個稱呼，「呢個名好勁，近排啲人係咁樣叫我，起初都唔知咩事，後來先醒起原來如此……（劇入面你表現得好渴求）尤其係嗰一集啦，劏房嗰場戲喺拍攝期後段，本身有晒心理準備，劇本點寫就點去演，出到嚟才知都幾多呢啲場口。自己本身唔會做呢啲嘢（cosplay）啦，哈哈！多謝陳子朗呢個角色畀到機會我畀觀眾睇到我嘅另一面，同之前《愛回家》馬子仁好唔同，雖然都係乖乖仔，但……（鹹濕啲？) 唔止鹹濕嘅，哈哈！」
《香港愛情故事》題材場景貼地見盡社會基層悲歌 羅天宇一晚咀7次睇床戲怕醜【下一頁】
二人合作有不少火花。(羅天宇IG）
終於有唔係床照嘅劇照。(羅天宇IG）
巨龍來了！(羅天宇IG）
天宇說今次能夠入圍已經是一次好好的肯定，第一次擔任男主角就入圍，令2020年多添意義，「好驚喜之餘，睇到觀眾有幾鍾意套劇，好支持套劇。(信心？)唔會喇，自己會繼續努力，希望將來更多發揮。」他表示暫時未知《香》劇收視，但見到觀眾的留言都好正面，觀眾鍾意就是最大得著。提到網上已經有結局劇透，他相信觀眾真心喜歡劇集的話自然會繼續追看下去。
責任編輯：楊安莉