【聲明】港生活網站並無進行電話推廣活動

李亞男誕大鼻二公主 王祖藍感恩:B女個樣唔似我

發佈時間: 2020/12/18

王祖藍與李亞男的第二個愛情結晶日前出世,由於大女Gabby(王天韻)亦是12月BB,日前祖藍特別與太太開迷你慶祝派對,並公布細女中文名叫王海靜,英文名取名Hayley。他在社交網發相兼留言︰「三個女人一個墟,一個男人戇居居。」字裏行間盡見這位兩女之父的幽默和喜悅。

40歲的祖藍在今年六月父親節時一家三口拍片,宣布太太懷第二胎。昨日祖藍忽然報喜,太太李亞男已誕下B女Hayley,認真可喜可賀。據悉,Hayley在上海出生,祖藍與亞男這對廿四孝父母,早前特別搞迷你派對,除了慶祝大女Gabby於昨日兩歲生日,亦隆重歡迎Hayley降臨王家。

兩姊妹餅印一樣

祖藍昨日在社交網發布兩張一家四口的合照,其中一張照片所見,祖藍、亞男及Gabby作狀錫錫鼻大大的小Hayley,場面溫馨。至於另一張相則見到慶祝Gabby生日的米奇老鼠蛋糕,小Hayley則躺在亞男懷中熟睡中。

問及祖藍與亞男第一眼見到Hayley是否很感動,亞男笑言︰「當我哋第一眼見到Hayley,係覺得好搞笑同神奇,因為佢同家姐個樣一模一樣,見到佢就好似見到啱啱出世嘅家姐,實在太似樣了。唯一有啲唔同就係Hayley個鼻好似仲大過家姐,係一個大鼻妹嚟!」不過,亞男感恩細女是一個很漂亮的孩子︰「很多親友見到照片都讚佢好靚女。」

祖藍則戲言︰「好感恩佢唔似我,最緊要係個樣唔好似我,似晒媽咪就可以㗎喇。」問亞男今次是否沒有誕下第一胎般緊張?她表示:「因為有咗第一次嘅經驗,又因為我係開刀生,好多嘢都按住schedule(流程)發生,所以真係無咁緊張同激動,但當然嗰種開心同奇妙嘅感覺,依然係非筆墨所能形容。」

撰文︰Steven

編輯︰陳禮恒

美術︰Simon

李亞男誕大鼻二公主 王祖藍感恩:B女個樣唔似我

祖藍、亞男及大女Gabby錫晒小Hayley,小寶寶可謂萬千寵愛在一身。

李亞男誕大鼻二公主 王祖藍感恩:B女個樣唔似我

照片中的小Hayley穿上花裙兼戴上花花頭飾,非常可愛。