2018年香港小姐冠軍│陳曉華被踢爆戀上Mirror陳卓賢 粉絲留言轟Hera：「你照吓鏡」

近日有傳媒影到25歲的港姐冠軍陳曉華（Hera）跟27歲的人氣組合Mirror成員陳卓賢（Ian）過從甚密，Hera同Ian分別是TVB和ViuTV的藝人，感覺上不太有關係，但就影到二人共晉晚餐，更疑似在荃灣區築愛巢共賦同居。Hera也毫不掩飾駕駛Ian的座駕周圍去，不過她回應戀情時只稱「大家認識嘅，工作以外嘅事唔回應喇。我會努力工作，希望大家見到我進步。」

事件曝光之後，雖然當事人未有在社交平台回應事件，不過有粉絲就到Hera的IG留言狂轟「你走啦，Ian唔啱你，照吓鏡先」、「呢個女人真係唔知醜，仲要黐埋Ian度」等等，Hera接受《晴報》訪問時表示：「目前仍然係單身，大家認錯人啦！私人事唔講咁多，謝謝！」看看兩人的IG，Ian的確有follow Hera，不過女方就冇follow到男方嘞，點解嘅點解嘅，到底……關係係點？

Hera是《2018年度香港小姐競選》冠軍，參選期間遭踢爆曾跟狄以達拍過拖，她大方承認此事，再見亦是朋友，達仔亦支持對方參選。當選後獲無綫重用，在《迷網》擔任第二女主角，再劇接劇接拍《食腦喪Ｂ》及《七公主》等，在《異搜店》更榮升女一，前途無可限量。但她在《迷網》的表現，不少觀眾都批評她「黐脷筋」，講對白口齒不清，她解釋當時因為箍牙而影響發音，會繼續改善問題。

至於Ian參加ViuTV節目《全民造星》而爆紅，憑他外型陽光，加上實力唱功，迷倒不少粉絲。他出身自港隊男排，近日在劇集《男排女將》飾演大槌手「魚仔」一角，讓他大顯身手，演技不錯，獲得不少掌聲。有部分粉絲都在其IG留言問Ian緋聞是否真的，但他未有回應。

責任編輯：楊安莉