《執屋》︳港女惡習一屋化妝護膚品 手信放4年發霉變臭冇人知

ViuTv節目《執屋》最新一集，主持人英健朗（小占)、王頌茵（Kathy）及「雜物諮詢師」阿橙這次要執的是一間350呎村屋，雖然只住了一對姊妹，但因姐姐Cilla 之前任職美容版編輯，工作性質關係收下大量化妝品及護膚品，見到屋內的收納膠箱、玻璃大櫃到洗手間，能夠放置物件的地方，都有大樽小瓶的護膚用品出現，完全佔據每個空間每寸角落。屋主Cilla稱和妹妹半年前搬來：「搬入嚟已經好亂，化妝品太多都唔知點掉，唔知點執！」

{{hket:inline-image name="10.jpg"}}{{/hket:inline-image}}

今集屋主要處理如海量般多的化妝品。(圖片：電視截圖)

{{hket:inline-image name="01.jpg"}}{{/hket:inline-image}}

護膚用品遍布每個角落。(圖片：電視截圖)

{{hket:inline-image name="03.jpg"}}{{/hket:inline-image}}

牆邊又一大袋。(圖片：電視截圖)

{{hket:inline-image name="27.jpg"}}{{/hket:inline-image}}

枱面到雪櫃頂又係護膚用品。(圖片：電視截圖)

主持人Kathy看到屋內海量的化妝品亦甘拜下風：「無得比，梗係Cilla多好多啦，佢周屋都係，行一步見一箱，行兩步見一袋，前面幾個櫃桶全部都係。」他們提議Cilla可轉贈朋友，Cilla無奈謂：「朋友已經要到唔想要。」唯一方法只能幫化妝品分類，將面膜、眼影、粉底，護膚液…數量只限4 個膠箱之內，其他就要捨棄，四人夾手夾腳，逐箱逐盒篩選，最終載滿幾袋垃圾袋「冇得留底」。

《執屋》︳新抱和老爺竟共用一條毛巾抹身？滿地藥物口罩 衛生問題嚇死人 【下一頁】

（↓點擊圖片放大↓）

除了化妝品多至似災區，雪櫃同樣被擠爆，單是雞蛋就佔了三大盒，Cilla解釋：「因為食物係同妹妹分開，有一盒係阿妹嘅，同埋做緊特價咪買多幾盒囉。」阿橙幫她雪櫃「瘦身」，竟在食物堆中發現一包花草的種子，Cilla尷尬說：「因為阿媽佢鍾意種植物，但佢而家住嘅地方種唔到嘢，佢諗住有時間就嚟我天台種。」阿橙發現Cilla的雪櫃逼爆原因，是放了很多食物以外東西 ，如種子、護膚品及未開封的調味料所致。

至於同樣一團糟是Cilla和妹妹各自有一個零食櫃桶，問題出自零食太多，層層疊不見底，其間小占發現一袋沒有包裝紙的東西，他隨手拆開即傳出臭味，打開一看是一包包呈現黑點發霉的咖啡包，Cilla才想起是從馬來西亞帶回來，已經是三、四年前的事，一直放着沒人處理。

（↓點擊圖片放大↓）

 撰文：衛紫敏

豪宅Home Tour | 關智斌獨居清水灣1700萬單位 睡房變珍藏館超合金模型陪瞓覺 【下一頁】