浴室去水︳浴室水浸網民淘$330「通渠神器」 10分鐘成功疏通抽出千年頭髮

不少人住所浴室去水口常有「塞頭髮」情況，如果未定期清理隨時塞渠，一位網民日前因浴室去水口淤塞致「水浸」，網購數百元「通渠神器」後，10分鐘即疏通喉管，抽出一團污糟頭髮，成功解決水浸問題。有家居裝修專家分享指，通渠其實可以分為「化學性」及「物理性」兩種，並拆解兩種方法原理。

該男網民昨日（20日）在facebook群組「淘寶開心share」分享，指家中浴室遭日積月累的頭髮堵塞U型喉管，因無法去水導致「水浸」。即使嘗試在五金舖買普通彈簧的「通渠騰」，卻完全無效。隨後他在淘寶以279元人民幣（約330港元）購入一個「通渠神器」，嘗試後成功通渠並大讚好用：

「十分鐘內抓出圖中黑色的一堆物體，通咗」

據產品介紹，聲稱使用該工具通渠時不會弄髒雙手，一人操作就能疏通各種堵塞問題，不論馬桶、去水口、洗手盆、鋅盤均可使用，「從容面對多重堵塞物：菜葉、調味料、蔬菜、食物殘渣、果皮、頭髮、紙屑、骨頭」。

帖文引起熱議，有網民分享以衣架DIY「通喉神器」，效果亦不俗，「我拉直晾衫架（鐵嗰隻）然後喺啲皮位鎅幾刀，好似魚骨咁，然後『隊』入去水位，來來回回幾次，基本啲垃圾就勾到出嚟，疏通去水口，基本成本就一個晾衫架」。不少網民紛紛留言分享自己「通渠」經驗，「以我經驗，黑色物體好多時係累積好耐嘅頭髮， 因我都試過兩次、 第二次帶手套去摷下係乜，頭髮！ 最後廁所去水窿都變咗鐵網，定期清潔， 因為人多所以頭髮多」，亦有人提議使用通渠液，惟男事主回應指，

「通渠液對纖維類，木，沙石有效，但對頭髮就無效」

（↓點擊圖片放大↓）

房署通渠$300 網民嘲「搵笨」

有網民分享找房署處理喉管堵塞的經驗，「上次塞，房署買咗2支通渠水又不用搭棚，收我300蚊，搵笨，咁簡單自己買」、「我上次搵房署通，佢乜嘢都冇買，喺下面嗰層清個隔氣一堆頭髮都要$300大元」。

專家拆解「通渠神器」原理

網上裝修平台「裝修佬」負責人鄧世民（Simon）接受《晴報》訪問時表示，該「通渠神器」其實是「穿線帶」的一種，原理是利用鐵線不斷在喉管內「兜彎」和轉動，以鐵線纏繞著喉管內的頭髮、異物，然後輕易取出。

Simon指，如果有頭髮等不易溶解的物體積聚在U型喉管內，便有機會造成「塞喉」，「如果一直都去到水，突然去唔到水，多數同塞喉有關」。至於家居通渠方式一般分為兩種，分別是化學式和物理式通渠，

Simon指：「睇邊樣方便，無話邊樣好啲，因為太勁嘅化學可『乸穿』（腐蝕）喉，太勁嘅物理氣壓也可以打爆喉，最好雙管齊下，例如用通渠水要加泵！」

網購攻略︳淘$47打邊爐神器食材層層疊 主婦們激讚：唔使擺到一枱都係，詳情即睇：【下一頁】