平反女追男︳張繼聰被謝安琪靚聲迷倒展追求 結婚13年認有第三者?

DJ阮小儀為香港開電視主持的新節目《小儀與13型男》於本周6首播，上月剛踏入50歲的小儀，至今仍未脫單，節目首集請來人夫張繼聰做小儀的Dating對象，阿聰帶小儀上山下海，坐豪華遊艇出海歎美酒，還出動阿聰的「第二最愛」私伙電單車載着小儀遊車河，令小儀做了一日女皇。

{{hket:inline-image name="20.JPG"}}{{/hket:inline-image}}

張繼聰為小儀新節目做嘉賓，更出動私伙電單車載小儀兜風。（圖片:發相）

{{hket:inline-image name="03.JPG"}}{{/hket:inline-image}}

小儀女人50仍然單身，好友張繼聰有冇好男人介紹呢？（圖片:發相）

至於張繼聰與太太謝安琪（Kay）結婚13年，有一對寶貝子女，既顧家又愛錫太太，被喻為「愛妻號」好男人。阿聰回憶和Kay初相識的情況，自爆是他先迷戀上Kay，並非當年傳聞所說的女追男：「 雖然大家就讀同一間中學，但唔同屆、唔認識。網上流傳佢追我係假嘅，真相係我哋屬同一年嘅樂壇新人，佢派歌先過我，我聽到佢嘅歌，覺得正喎，即被呢個女仔把聲吸引咗。」

娛圈外父︳張繼聰囡囡三句令爸爸Homesick 吳彥祖希望寶貝女唔好生得太靚 【下一頁】

（↓點擊圖片放大↓）

Kay 2005年出道時被外界稱讚聲靚，阿聰承認被Kay的靚聲迷倒，他認為女仔聲靚，樣子都不會太差。當第一次看到Kay的MV後，便立定決心要追求她。阿聰稱當時用最傳統的電話攻勢，不過卻慘食檸檬：「記得有次喺電話約佢睇戲，點知佢3日都唔覆我，我咪嬲嬲地問佢點解唔覆我，佢話嗰套戲唔係特別想睇，所以咪唔覆囉。我覺得佢好有性格，令我更加鍾意佢。」

結婚13年兩人恩愛如惜，阿聰分享夫妻相處之道，話感情並非建於物質而是心思之上：「我同佢都唔係物慾嘅人，買禮物係氹唔到對方開心，反而共度節日比較重要，有次情人節喺尖沙咀碼頭攞住支結他Busking，唱歌畀太太聽，其實都驚㗎，但印象好難忘。」至於如何將婚姻保鮮，阿聰稱太太要他謹記與她初見面的感覺，所以，他亦會努力保持著拍拖的感覺。至於近年他的鍾情駕電單車，阿聰形容為最好的第三者：「男人玩好多嘢都可以好大件事，不過玩車最緊要安全，最好唔好太揮霍，太太又鍾意坐嘅話，成件事變得好浪漫，所以車係最好嘅第三者。」

（↓點擊圖片放大↓）

撰文：衛紫敏

《執屋》︳港女惡習一屋化妝護膚品 手信放4年發霉變臭冇人知 【下一頁】