冬大過年︳陳瀅返加國過冬做足3次檢測 婆婆想攬乖孫唔敢攬感動到喊

陳瀅與93歲婆婆感情一向都非常要好，每次受訪提及婆婆前年患上腎病一事，都忍唔住眼濕濕，而上年初為令婆婆安心，陳瀅寧節衣縮食，花上數百萬港元於加拿大置業。

{{hket:inline-image name="42843990_278181189479605_6308706538575888384_n.jpg"}}{{/hket:inline-image}}

孝順乖孫陳瀅喺疫情前仲經常港加兩邊飛，佢曾經講過話自己飛得密到婆婆擔心佢會使太多錢：「grandma always worries that i spend too much energy and money on flying back to see her and i told her that money will return, but our time together won’t.She smiled ♥️（婆婆成日都會擔心我用太多精神同錢飛返嚟睇佢，我同佢講，錢會搵得返，但我哋相處嘅時間過咗就冇。婆婆聽完之後微笑。）

{{hket:inline-image name="94936840_2369708869994394_41411637540149997_n.jpg"}}{{/hket:inline-image}}

不過疫情爆發之後大家都冇得咁隨心所欲話飛就飛，但陳瀅講過自己今年聖誕同新年會返溫哥華陪屋企人過，所以日前佢都排除萬難堅持返加探佢至錫嘅婆婆。為咗趕得切同家人做冬，陳瀅似乎跳過咗14日隔離，直接飛奔返屋企搵婆婆，陳瀅分享影片兼留言：「細個嗰陣婆婆成日教我「冬大過年」，所以一定要返嚟同佢過冬。P.S.大家放心，見婆婆之前已經全身消毒過，也先後做了三個唔同嘅測試，all negative.（全部陰性反應）」

（↓點擊圖片放大↓）

片中見佢一返到屋企玄關位就已經好興奮，又彈又跳咁走入屋，去到臨近婆婆嘅一間房仲攝手攝腳，想畀個Surprise婆婆，陳瀅叫一聲「婆婆」，婆婆第一下似乎仲未回過神，但當佢發現原來係乖孫時興奮到即刻大叫兼彈起，婆婆仲想過去攬住陳瀅添！不過佢哋都好警覺，即刻話唔攬得，仲叫婆婆快啲戴番個口罩。婆婆之後竟然感動到喊咗出嚟，睇嚟一家人感情真係非常好，唔少圈中人都留言話覺得好Sweet，仲令大家諗起家中嘅長輩添！

{{hket:inline-image name="w12.jpg"}}{{/hket:inline-image}}

陳瀅接受本報訪問時表示，原來佢返到屋企都仲要自我隔離：「我飛咗返溫哥華探婆婆，喺香港臨出發前，做咗幾次測試才敢返去，當然係擔心婆婆安全，所以要確認自己無受感染先去見佢。呢邊疫情都嚴重嘅，所以一定要戴口罩，保持兩米距離同埋盡量唔出街，咁我哋都留喺屋企多。我自己都要做14日家居隔離先，依家家居隔離緊，只要每個人都不同房間就OK，依家基本上困住喺間房到，所以都有啲慘，不過唔緊要啦，都聽到屋企人把聲，同埋佢哋都同一間屋，所以無咁寂寞。」

撰文：黃蘊姿