【聲明】港生活網站並無進行電話推廣活動

羨慕袁偉豪做人夫 馬國明:娶老婆好過攞視帝

發佈時間: 2020/12/23

去年榮升視帝的馬國明,今年再獲提名「最佳男主角」,與袁偉豪等齊齊爭獎。二人昨日出席《使徒行者3》宣傳活動,馬明直認對「冧莊」無信心,認為成家立室比贏視帝更開心,隨即引來一眾演員向他催婚。

馬國明、袁偉豪、黃智雯及黃翠如等昨日現身宣傳,又為《使徒行者3》在台慶頒獎禮入圍多個獎項拉票。馬明與袁偉豪同樣憑該劇角逐視帝及「最受歡迎電視男角色」,馬明笑說:「我年年都唔會貼自己,今年好平均,我睇好袁偉豪、王浩信,苗僑偉同林峯都好好,不過大家都勤力同有實力,我覺得睇下邊個好運啲!」他自言沒想過「冧莊」:「我從來無壓力,畀多啲錢我好過!攞完獎都未必吸引更多工作,主要睇演員形象。」

至於上月才與張寶兒結婚的袁偉豪,被問可會鴻運當頭贏視帝?他笑說:「夠㗎啦,娶到老婆已經好好運。」馬明聞言擺明相當羨慕:「娶老婆仲好過攞視帝,結婚係人生大事,搵到伴侶係一世,好過攞獎!」明年迎娶女友湯洛雯?他笑說:「我再話你聽。」袁偉豪坦言平常心對待獎項:「我上年最想攞,但畀馬明攞咗,我明白呢啲睇運數,付出同收穫未必成正比,上年攞唔到好心酸,今年已經放開晒。」

黃智雯38歲生日做YouTuber

另外,黃智雯前日38歲生日,適逢冬至,她笑說:「咁啱兩個節日一齊,順便同屋企人食飯兼慶祝,過咗一個簡單又開心嘅生日。」圈外男友有何表示?智雯甜絲絲說︰「每年都有驚喜,佢比我更加有心思,我不嬲好大懵,唔記得其他人生日,反而男朋友早有準備,噚晚(前晚)餐飯由佢打點,又送咗一份我好想要又實用嘅禮物。」另外,她前晚趁生日在社交網宣布開設了個人YouTube頻道,昨日更舉行網上直播與粉絲見面。

採訪︰Pauline

攝影︰林良明

編輯:李潔盈

美術:Simon

羨慕袁偉豪做人夫 馬國明:娶老婆好過攞視帝

袁偉豪睇好苗僑偉及林峯在台慶頒獎禮上封帝。

羨慕袁偉豪做人夫 馬國明:娶老婆好過攞視帝

黃智雯趁生日宣布進軍KOL行列。(IG圖片)