踩過界II ︳蔡思貝變紅唇女網民求癲姐回歸 張曦雯姜麗文鬼妹仔被踢爆頻頻NG

無綫台慶劇《踩過界II》今個星期進入結局篇，劇情講到癲姐（蔡思貝飾）變索女，在英國考獲大律師回歸，哨牙消失，連額頭疤都磨走埋，鮮艷紅唇加套裝打扮，一副「戰鬥格」的正妹，唔差得過一向索到爆的檢控官邵美娜(張曦雯飾）！不過，變靚不一定得到網民歡心，事關劇情講癲姐倒戈對付文申俠，為強姦犯做代表律師，令網民情願「癲姐」做回哨牙醜女，多過想癲姐變女神，不忍她在法庭大戰盲俠！

{{hket:inline-image name="13.jpg"}}{{/hket:inline-image}}

網民愛癲姐多過她變美人。(蔡思貝IG)

{{hket:inline-image name="07.jpg"}}{{/hket:inline-image}}

張曦雯和蔡思貝大家Like邊個？(劇集截圖)

其實網民喜歡癲姐都有原因，夠正義又夠豪爽，尤其癲姐與Gogo (張振朗飾) 的對手戲令人忍俊不禁。日前播出的NG片段中，蔡思貝、張曦雯兩位女神的頻頻「食螺絲」，其中一幕癲姐衝去找Gogo，竟撞正對方在厠所小解，原本她要講「去厠所唔閂門」，但就講了「去厠所唔屙尿」，講完蔡思貝自己都忍不住爆笑！

喺外國讀書的蔡思貝，另一幕她再次將中英文法調轉晒，勞氣喝罵盲俠「唔夠租交錢」; 而張曦雯講對白亦經常出錯，講句「飲啖咖啡先」條脷都打晒結，尷尬到伸脷，好可愛！

（↓點擊圖片放大↓）

萬千星輝頒獎典禮2020｜王浩信憑《踩過界II》爭視帝成大熱 馬國明竟然唔係憑《降魔的2.0》入圍？（內附視帝視后提名名單）【下一頁】

至於同樣是「螺絲王」演警察江寶釵的姜麗文（Lesley），在加拿大長大的她講英文流暢，要講中文就變成半鹹淡嘞！其中一段NG片，她自辯「唔知點解，我講廣東話人哋話低音啲，咁嗰啲口音（鬼妹控）就冇咁易出嚟！」旁邊的張振朗已經笑到彎晒腰，Lesley依然一臉認真，蔡思貝就讚她講廣東話很溫柔。Lesley除了講廣東話夠搞笑，拍動作鏡頭時，一個跌落地的姿勢，亦變了海棠春睡般，喜感十足。

（↓點擊圖片放大↓）

撰文︰衛紫敏

富婆的煩惱︳陳少霞為大女升學考試喊足3日 囡囡性格甩漏2次搭飛機送機尾 【下一頁】