《愛回家之開心速遞》快將踏入第四年，不同演員情節都有一定的擁躉支持，其中「香港島大學」近來頻頻有熱血之作，好似早前萬聖節，島大舞會以金城安（周嘉洛飾）為首，與同學們大跳米高積遜的《Thriller》，「神還原」該經典MV，令觀眾非常驚喜，大讚他們夠熱血。今日是平安夜的大日子，George（張明偉飾）和熊心如（蘇韻姿飾）就率領島大的同學仔一齊唱聖誕歌應吓節，炮製超暖心MV，而各CP亦甜到爆，令不少網友大讚「好聽」、「高質」。
《愛回家》金城安率島大學生神還原MJ舞步 萬聖節彩蛋通宵排練足一星期【下一頁】
之前10月尾萬聖節播出的一集有彩蛋，一眾演員重演米高積遜的《Thriller》經典MV。（《愛回家之開心速遞》電視截圖）
台前幕後所有人都非常熱血。（周嘉洛IG）
今次聖誕節，大家以歌會友。(蘇韻姿IG）
MV入面幾乎有齊島大學生包括George（張明偉飾）、金城安（周嘉洛飾）、朱凌凌（吳偉豪飾）、阿壯（焦浩軒飾）、熊心如（蘇韻姿飾）、Candy（葉蒨文飾）、Bonnie（林凱恩飾）、池子孝（阮政峰飾）、Venus（鄺潔楹飾）、李莫仇（張詩欣飾）、頭皮（吳卓衡飾）、書蟲（林浩文飾）、面油（羅永健飾）、辛子丹（伍禮騫飾）、Tommy（何晉樂飾）和Jessie（沈愛琳飾）。他們合唱的歌曲是《Last Christmas》再加上《All I Want For Christmas Is You》的混合版，而且各自有獨唱位，盡獻歌藝。不少網友都留言，「一班熱血青年做一件熱血嘅事情，很欣賞你們大學線的年青演員，繼續加油。」、「估唔到廢青金城安原來英文咁好」、「位位都係唱家班」、「李莫仇用靚女樣見大家」、「部片好高質素。你哋拍得好好！好鍾意睇」等等，一致好評。
張明偉接受《晴報》電話訪問，他表示：「成班人繼萬聖節跳舞後，想再搞啲嘢，適逢聖誕節，我總覺得呢個節日係充滿氣氛，而且必須有音樂嘅，所以炮製咗聖誕歌MV出嚟。今年疫情，相信好多人都飛唔到去旅行，連Party都搞唔到，唯有做少少事希望鼓勵大家。」作為是次製作人，張明偉說多位演員其實是首次走入錄音室錄歌，表現比他預期中好，「MV最後嗰句『HoHoHo Merry Christmas』係完全冇預計，把聲一Take過搞掂，佢係我哋《愛回家之開心速遞》嘅一份子，到底係邊個就唔話你哋知，觀眾自己估吓啦！」
《愛·回家》蘇韻姿榮升媽咪養超可愛法虎狗 秘密練兵島大舞王將有大Project？【下一頁】
張明偉今次擔任音樂製作人，勞苦功高。（張明偉IG）
至於蘇韻姿一向是唱得之人，今次擔任主唱之一，聲線非常悅耳。她直言聖誕節大家都要繼續抗疫，希望這首歌能夠帶給大家溫暖的感覺，她說：「島大每位都係精英，多謝監製林建祥睇到大家專長，就算有時劇本冇寫，都為我哋爭取在幕前表現的機會。記得早期我角色同池子孝拍拖，在街頭拍過類似《La La Land》跳舞嘅一幕，監製好放心交呢Part舞畀我去諗去設計。另外，林浩文係舞蹈員出身，上次萬聖節島大舞會就由佢排舞！」她續稱各演員身懷絕技，唱歌、跳舞、拍片等等，相信往後的劇情會慢慢凸顯他們的特點。
蘇韻姿指各個演員都才華洋溢。（蘇韻姿IＧ)
蘇韻姿另外跟葉蒨文再錄一首聖誕歌，拉埋愛犬拍MV。（蘇韻姿IG）
真係好好聽！（張明偉YouTube）
責任編輯：楊安莉