張致恒被網民寸「性上癮點解決」 雯雯冷靜反問:邊個男人唔鹹濕?

現年36歲嘅前Boyz成員張致恆（Steven），上年年中宣布與女粉絲雯雯結婚同時做埋老竇，囝囝更已舉行百日宴。但當時Steven已經有一位公開嘅女友梁皓恩（April），對方直接留言質疑Steven於幾日前仍然向佢示愛，之後再有幾位女士留言，表示自己同樣受騙，爆出原來Steven一腳踏六船。事件令Steven形象插水，所有演藝工作叫停，仲搞到「眾叛親離」。

{{hket:inline-image name="jdmePnd2cHZtyA7ggtT-qR-dFyfgIouCKS3aAikt2gI.jpg"}}{{/hket:inline-image}}

期實Steven偷食上癮早有前科，早喺2016年同莊韻澄拍拖時已被爆偷嗒台妹Doris，仲自爆喺Doris之前已曾偷食。Steven當時指自己每一次做錯事都後悔，但每一次都重複犯錯，佢表示問題困擾自己多年，會去睇醫生睇自己係咪性沉溺同性上癮。

{{hket:inline-image name="0815-00282-004b2.jpg"}}{{/hket:inline-image}}

唔少網民都繼續啄住Steven，尋日雯雯同網民互動，有唔少人問出一啲「惡意」嘅問題，更有人重提Steven性上癮一事，不過雯雯都好有耐性咁一一回覆。

其中一名網民分明係想撩㷫雯雯，問雯雯Steven性上癮嘅時候點解決，雯雯就冷靜咁反問網民：「你係醫生？你又確定佢有性上癮？不如我問你，邊個男人唔鹹濕？」不過慶幸都有好多理性嘅網民力撐雯雯，仲大讚佢好有心機，將屋企嘅小朋友同小動物都照顧得好好，仲鼓勵佢，叫佢唔使理太多閒言閒語添！

（↓點擊放大睇雯雯「你問我答」↓）

相關新聞：為母則強｜張致恒妻曬超聲波相暗示有小毛病 「有咗小朋友原來有事上嚟會咁驚」【下一頁】

Steven早前喺社交平台同老婆表白，指雯雯嘅出現令佢對人生嘅想法都改變咗，仲表示會為咗太太個呢個家努力！夫妻二人兩年抱兩，先後生咗大仔張天寶同細仔天牧，而Steven成個社交平台都係圍繞雯雯同兩個小朋友，似乎真係為頭家脫胎換骨！

（↓點擊圖片放大睇Steven幸福家庭照↓）

撰文：黃蘊姿