大生意︳47歲森美開舖轉戰地產界? 名下有餐廳洗衣店網民叫打折頭

森美除了在娛樂圈吃得開，原來已經靜雞雞開舖做老闆！日前他在IG出Po寫上「得閒冇嘢做，巡下自己啲生意」，見其一副神態自若，雙手插袋，站在一間與自己同名的地產舖前留影 ── 事實是森美氹自己開心，兼且同網民開吓玩笑，純粹路過見到大大隻字「森美」影相抽水啫！難得網民陪他癲，湊熱鬧留言，「大哥連地產都做埋，果然係我偶像」、「我想買樓，畀個折頭我啦」、「咁多年嚟，做DJ都是為興趣」。最抵死是網民指森美老闆「生意」種類繁多，尚有森美餐廳、森美洗衣店，校巴集團還有髮型屋，生意去到澳門都有！

{{hket:inline-image name="30.jpg"}}{{/hket:inline-image}}

森美做老闆?大家估吓他最想做乜嘢生意？下文分曉。（森美IＧ）

{{hket:inline-image name="44.jpg"}}{{/hket:inline-image}}

話要努力賺錢，養老婆仔女。（森美IG)

森美沒想過一張相片令網民反應如此熱烈，令他當上各類行業的大老闆，他接受《晴報》訪問時開心謂：「我都想有咁多生意！我知道係有間舖叫森美餐廳，食西餐食扒嘅，係一位叫森美叔叔開嘅，後來佢個女接手經營。我仲知道有森美果汁、森美控股，上巿公司嚟，係我嘅就發達，唯有再努力啲啦！」若用自己個名做生意，他表示最想開網上士多，「幾好呀，賣吓嘢可以幫補家計。」

（↓點擊圖片放大↓）

發完老闆夢，回歸現實的森美近期嗜好不少，除了學騎馬還有上山下海，經常駕著「二奶」電單車出動周圍去，夜晚就出海釣魚。他稱面對疫情除了注意防疫，亦需要有解悶方法，「真係好悶冇嘢做，要消磨啲時間，以前同太太一星期騎一次馬，但疫情下冇得騎，所以就去釣魚，麻甩佬有乜嘢好做吖！」森美稱出海幾次，都沒有太大收穫，另外兒子在英國回來，要留在家做廿四考爸爸。

【網友議論紛紛】 阮小儀曬舊照 鄭中基粟米頭出事 長髮型男係邊位？森美親口解說 【下一頁】

（↓點擊圖片放大↓）

撰文︰衛紫敏

分手2年︳洪卓立高調曬舊愛湯怡愛心蛋糕 聖誔前夕復合？Ken咁樣答... 【下一頁】