Boxing Day報喜│Patrick Sir公布太太佗仔5個月 關宛珊：去邊都帶2個電燈膽

金牌司儀Patrick Sir林溥來趁今日Boxing Day宣布好消息，太太關宛珊（Kimmy）懷孕5個月，他和太太分別在IG上載多張自拍的懷孕寫真，相中的Kimmy腹部已經變大，不過四肢仍然纖細，長肚不長肉，認真厲害，而Patrick Sir雖然身為「配角」，仍然半裸上陣，大騷平日西裝掩蓋住的肌肉。見Patrick Sir表情多多，對快將要做新手爸爸都非常興奮。

【東張西望】Patrick Sir補習天王成功轉戰幕前 學霸名校出身 娶靚老婆勁恩愛【下一頁】

{{hket:inline-image name="132774007_3509286232460453_6451611108509581849_n.jpg"}}{{/hket:inline-image}}

恭喜晒！Boxing Day公布好消息！（林溥來IG）

{{hket:inline-image name="132575610_670050563673164_7413985211310058527_n.jpg"}}{{/hket:inline-image}}

關宛珊懷孕5個月。（林溥來IG）

Patrick Sir在留言中大方透露BB是男仔，他說：「聖誕快樂！係呀，你冇睇錯呀，你睇到嘅呢個天使化身係我老婆Kimmy呀！見到佢個肚多咗啲嘢？嗰個係上天送俾 (畀) 我哋嘅聖誕禮物嚟㗎，份禮物我哋5個月前已經收到，仲睇住佢越嚟越大，而老婆面上嘅笑容就越嚟越甜。選擇喺呢個普天同慶嘅聖誕節及Boxing Day同大家一齊拆禮物，就係想將我哋呢份喜悅同各位分享，為大家喺疫境中打打氣，增添正能量！感謝上天送俾 (畀) 我哋嘅新生命，亦希望世界從此換上新氣象！老婆，雖然每次問你你都話唔辛苦，但係我都要再講多次：幸苦你喇！嚟緊你要對住我同Don Don加BB呢個超級男團，你一定要有更多嘅耐性，但係我保證我哋必定努力為你奉上幸福、快樂！」Patrick Sir不忘最後向2太太講我愛你，認真暖男。

至於Kimmy笑指屋企越來越多男人，而她跟Patrick Sir從來冇二人世界嘅機會，她笑言：「由我哋拍拖開始就已經存在第三者（狗）…而家仲多咗個第四者（BB）~ 呢個第四者好乖…喺我哋搬好屋Settle好…喺我完成N3日文呢個目標嘅當日…先俾我哋知道肚裡面住咗個小居民~ 我哋繼續去邊都帶埋呢兩個電燈膽…一家四口開開心心~Happy Boxing Day~#成屋都係男人#DonDon已經唔肯望我個肚」字裡行間都非常搞笑，莫非Don Don已經知道自己多個弟弟，開始呷醋？

                                  （↓點擊圖片放大↓）

【陳楨怡變無眉娘】Patrick Sir曬港姐決賽拜神花絮相 謝嘉怡郭柏妍素顏食相意外曝光【下一頁】

Patrick Sir四年前跟Kimmy結婚，兩人向來都愛錫愛犬Don Don，每次放假都三人行，帶埋Don Don周圍去，而Kimmy是超級無敵的賢內助，除了主持節目的工作外，幾乎每晚都會為丈夫下廚，而且絕非一般的家常菜，她每晚都不同國家的菜式，日日新款，所以Patrick Sir都乖乖每晚返去食住家飯之餘，仲喺IG開「老婆廚神」主題，每日上載老婆的不同菜式，認真威威令人羨慕。

責任編輯：楊安莉