冬日$30歎McCafé麥提莎蛋糕加意式鮮奶咖啡

再過幾日就踏入2021年，唔知大家心情係咪同黛安一樣咁期待呢？過去大半年不斷透過App大派優惠嘅麥當勞，喺呢個跨年禮拜亦推出新一輪優惠，仲持續至1月3日，等大家可以隨時能夠飽餐一頓，過一個豐盛新年！

今期最新至抵優惠包括「$12麥炸雞（1件）配中汽水」，真係啱晒鍾意食麥炸雞嘅黛安。另外，除咗$39至$95嘅1至3人晚餐優惠之外，仲有「$25炒雙蛋火腿堡超值早晨套餐」同「$32歎芝士安格斯超值套餐」，全方位照顧到大家嘅三餐需要。McCafé亦繼續有驚喜優惠畀大家，好似用$19就歎到中杯裝嘅麥提莎凍特濃朱古力咖啡；或者以$30歎麥提莎脆脆朱古力蛋糕配熱意式鮮奶咖啡，食完肯定又甜又暖，大家真係要把握機會呀。