身心皆痛｜港媽妊娠毒血症緊急開刀誕女 分娩後遭丈夫冷待一句話傷盡心 「好似我係代母生完就唔使理」

夫婦相處最重要是坦承相對。一名港媽發文大吐苦水，指自己因患上妊娠毒血症需緊急開刀生產，誕女後卻遭丈夫冷待，令她感到十分難受，坦言「好似我就係代母生完小朋友就唔使理我」。然而，她因不希望孩子在單親家庭長大，仍正考慮應否跟丈夫離婚。

一名港媽周日（27日）在網上討論區「親子王國」以「應該離開定係留低？」為題發文，表示懷孕時丈夫一直對她寵愛有加，惟誕女後卻未有再理會她。女兒現已5個多月大，她形容分娩至今「冇一日係有開心過」，

「生完小朋友簡直係兩種分別，（丈夫）好似好討厭我咁，好似有用完即棄嘅感覺。」

把妻子放在最後位置

事主透露，其夫視女兒跟朋友最重要，家人排行第二，妻子則放在最後；聖誕節寧願連續7日邀請朋友上門過夜，也不願陪她外出看燈飾。她形容自己每天回家後也是對著空氣說話，彷彿是在「刷存在感」。事主為此曾跟丈夫吵架，惟雙方經討論後仍未能改善關係，

「（丈夫）每日嘅WhatsApp最多都係問個女喺屋企點，或者今晚屋企有冇飯食，同佢講嘢鍾意就答我，唔鍾意就當我透明，感覺也很難受吧，好似我就係代母生完小朋友就唔使理我。」

事主頓覺被丈夫冷待，遂問對方「點解你唔問吓我日常嘅嘢」，未料丈夫稱夫婦二人每天都會見面，反問「有乜嘢好問」，更表示二人每天共處同一空間，即是在陪伴妻子。

夫妻情深｜疫情下禁探訪每天窗外拉手風琴，81歲伯伯伴癌妻走到生命盡頭，詳情即睇：【下一頁】

緊急開刀產女未獲丈夫體諒

而最讓事主傷心的是，她懷孕時因罹患妊娠毒血症需緊急開刀產女，形容剖腹過程具危險性，恐會隨時難產致死，她向丈夫坦言「生小朋友真係搵命搏」，未料對方一點也不體諒其處境，反道出一句話令事主倍感難過，她憶述：

「佢話：『你開刀有乜嘢咁辛苦，你都冇經歷過人哋痛幾十個鐘』，我唔明白點解佢要講呢啲說話令到我咁難堪，好似我冇真真正正痛過幾十個鐘，就唔等於辛苦過咁。」

遭丈夫漠視產後抑鬱跡象

事主後來察覺自己有產後抑鬱跡象，丈夫卻認為她只是脾氣差，甚至稱「個個都係咁㗎啦」。此外，她曾表示傷口仍感痛楚，且經常頭痛；惟丈夫未有理會，僅著她看醫生和服藥。對此，事主認為丈夫在她分娩後態度180度轉變，令她萌生離婚念頭，

「如果唔係佢好錫個女我應該走咗喇，我就係唔想個女喺單身家庭長大，我先一直忍到而家，我覺得我要講嘅、要做嘅嘢都做晒。」

網民建議多溝通：話畀老公知個嚴重性

不少網民看到帖文後，均勸籲事主注意情緒健康，建議她多跟丈夫溝通，「男人有時慣咗，會當老婆隱形，真係提醒吓佢」、「喺我哋角度佢一定係唔啱，唔識關心老婆，好自私、無同理心，但可能佢都有佢睇法，可能佢都有怨言，不如試吓用軟方式，例如多啲『嗲』佢，睇吓有無改進？」、「老公可能以為小事，當你去睇醫生正視問題，話畀老公知個嚴重性，一齊去見婚姻輔導」。

同場加映：

{{hket:inline-image name="LOVE281220202.jpeg"}}{{/hket:inline-image}}

一名港媽於30多歲時不幸喪偶，先夫臨終前要求她在當年僅2歲的女兒自立前不准再嫁，否則會失去200萬遺產及自住物業。如今10年過去，港媽再覓第二春，雙方均渴望可以組織家庭；但奈何面對當年的承諾，加上老爺、奶奶警告會爭取孫女的撫養權，港媽因而困在道德的枷鎖。對此，其親戚就此事詢問一眾網民，結果獲得兩極意見。

有網民認為港媽有追求愛情的自由，並同時擁有撫養女兒的權利：

↓點擊圖片放大↓

但另一方面，有網民認為港媽丈夫離世前，為了女兒的福祉而對妻子作出規限亦無可厚非：

↓點擊圖片放大↓

【終身伴侶】3追求者條件各異面臨人生抉擇，40歲港婦終嫁窮小子：同佢感情最實在，詳情即睇：【下一頁】

每朝索取《晴報》：精明生活．健康家庭．開心娛樂

撰文：蘇麗儀