裝修翻新│新裝修4個月被百厭子女畫花 港媽崩潰求救：係咪髹返油就無事？【附專家建議】

牆身污漬影響家居觀感，有港媽最近在網上求救，指住所新裝修僅4個月，便被百厭子女大破壞，以蠟筆畫花4幅白牆，焦急詢問解決方法，有家居裝修專家指，牆身的污跡並非無法補救，分享最佳解決方法。

有港媽在facebook群組「家居裝修分享谷」發帖，指上班期間突發收到家人來電傳來「噩耗」，原來家中多幅牆被子女用蠟筆塗鴉畫花，由於住所僅新裝修4個月，令港媽頓感崩潰，並焦急地求救：

「請問有無人知花到咁花，係咪就咁髹返油就會無事？定係需要點做先會無哂啲筆跡？求賜教。」

（↓點擊圖片放大↓）

對此，網民都紛紛留言提供解決方法，「用神奇海綿啦」、「我試過用擦膠就擦得到，又唔會整傷啲油。我係叫個小朋友自己慢慢擦返佢，之後冇再畫過了」、「好小事，用幼砂紙輕手省一省，髹返就可以了」、「牆貼幫到你，仲可以扮特色牆，一舉兩得。」另外，也有不少人指家中有小孩的牆壁難免會遭映，笑言事主應保留塗鴉作紀念，「算吧留個紀念，反正整好，下次再畫」、「藝術品，千祈唔好抹走佢呀」、「留為紀念，到佢大個咗叫佢負責清理番」。

單位油漆剝落以為普通發霉，專家拆解疑為壁癌處理不當變危樓，詳情即睇：【下一頁】

髹油前需打磨污跡

網上裝修平台「裝修佬」負責人鄧世民（Simon）接受《晴報》訪問時表示，假如牆壁使用防污油漆，其表面的水性筆污跡其實可以輕易抹走，不過如使用一般的油漆，則沒有防污功能，牆壁一旦沾上污跡便難以拭走。如遇上上述類似情況，可先用砂紙磚打磨牆身，再髹上兩層油漆即可。

他解釋，雖然直接在污跡上髹上油漆，亦可以遮蓋塗鴉，但效果未必理想，

「蠟筆有啲固體，如果就咁髹上去，一來有機會形成厚薄不均，本身佢（筆跡）唔係黐得好實，咁會容易造成剝落。」

3大牆身污漬清潔方法

至於手印、腳印、發霉等常見的牆身污跡，「裝修佬」則分享以下清潔方法，

（↓點擊圖片放大↓）

浴室水浸網民淘$330「通渠神器」，10分鐘成功疏通抽出千年頭髮，詳情即睇：【下一頁】