杜如風「阿嬸扮老泥妹」仆親下巴 孖梁漢文老婆用生命值踩blade

新冠肺炎幾乎令全球癱瘓，國家與國家之間實施嚴謹嘅入境措施。香港人冇得去旅行牙痛咁聲，而出名係日本旅遊達人嘅杜如風除咗冇得去旅行之外，大部分工作亦叫停，只係偶爾喺IG做啲宣傳工作咁。不過一向貪玩嘅佢都好識得自娛，早前就以45歲之齡挑戰踩blade (即roller blade，直排輪鞋)！

{{hket:inline-image name="75231100_444491116471394_616490812637067910_n.jpg"}}{{/hket:inline-image}}

{{hket:inline-image name="75375707_796075970907582_7220394777409326758_n.jpg"}}{{/hket:inline-image}}

杜如風同梁漢文老婆Karen老友鬼鬼，做乜嘢都孖公仔，近日佢哋齊齊踩blade，非常青春呀！杜如風之前亦曾經post一張3人合照自嘲：「三個阿嬸扮老泥妹!」相中佢著住護膝同直排輪鞋，徐濠縈就腳踏longboard (長板，滑板的一種)，另一位友人就踩傳統roller skater (滾軸溜冰鞋)，真係少啲活力都搞唔掂！有fans留言講笑「撻親阿嬸就大鑊了」，估唔到真係一語成讖！

（↓點擊圖片放大↓）

杜如風噚日喺自IG post咗一條短片，留言話自己「踩到整容」，佢一邊自拍一邊摸住下巴話︰「我今日整咗個下巴，大家睇吓，呢度腫咗，但我唔係整容……睇真啲，我係踩blade嘅時候Ｘ街，下巴落地，而家呢度瘀晒（show下巴）。」就咁睇杜如風個下巴經過呢次「土法整容」之後的確係長咗，得到呢個「意外收獲」，佢喺片中都大笑，問大家佢咁樣會唔會好睇咗，非常樂觀呀！網民似乎仲擔心過佢本人，紛紛留言提供去瘀大法，叫佢要保重，真係見到都驚驚咁話！

撰文：黃蘊姿